ما حكم خيانة الزوجة مع أخ الزوج؟
سلام عليكم ورحمة الله سؤالي حساس، ما حكم خيانة الزوجة مع أخ الزوج؟ انا عندي ٢٩ سنه متزوجة وبحب زوجي وهو ايضا يحبني هو بيشتغل في محافظة تانية فبيقعد بره البيت شهرين وبينزل اجازه 15 يوم انا قاعدة في بيت عيله ليا شقه فيه بس اكلي وشربي مع مامته واخوه انا غلطت مع اخوه مرة من سنة تقريبا وحصل الكبائر ومن وقتها وانا تعبانه، نفسيا وندمانه مع العلم ان متدينه ومع ربنا ديما بس اللي حصل ماعرفش حصل ازاي
من وقتها وانا ضميري تعبني جامد ونفسيتي مدهوره وتبت لربنا كتير واحساسي بالذنب الكبير ده قاتلني حرفيا وحاولت ابعد بشتى الطرق حاولت كتييير اقنع زوجي ان اروح عند اهلي في فتره غيابه وهو رفض وحاولت اقعد في شقتي علشان مانزلش عند مامته واخوه وبرده رفض لان مامته صاحبة مرض وحاولت اقترح عليه ان اروح معاه الشغل او نأجروا شقه برة برده ماوفقش حتى ان اتنقبت عشان يبقا كلامي محدود مع الكل بحاول ديما ان مااشوفش اخوه ده ومخاصمه اخوه من يوم الغلطه دي وكلامي محدود جدا جدا معاه حتى ان حماتي زعلانه مني
ان مش بكلم اخوه ده غير بسيط جدا وانا بحاول افهمها ان الاختلاط غلط وحرام عشان ماتشكش في حاجه كل ده لان مش عايزه اشوف اخوه ده مع العلم ان اخوه ده محترم جدا وخجول بس اللي حصل معرفش حصل ازاي كان جايبلي هدوم في شقتي علشان اغسلهاله بعدها الشيطان كان اقوى منه ومني، هو مش بيصر عليا ان اكلمه بالعكس انا بشوف فيه نظره حزن برده ومش بيصر عليا ان اكلمه لحد ما ف يوم لقيته كاتبلي ورقه وراميها عليا لقيته كاتب ( انا عارف ان كلامي دا غلط وعارف انك بتتعذبي من جواكي واللي حصل بينا غلط ورزيله كبيره ربنا يسامحنا عليها
بس انا عايز اعرفك ان عمري وقف عند اللحظه دي لانا عارف اخطب ولا اتجوز ولا شايف حد غيرك ومش طالب منك اي حاجه انا عارف انك مش عايزه تقعدي معانا وحاولتي مع جوزك وهو مش موافق ولما كانت السيره بتيجي قدامي كنت بقوله اعملها اللي هي عايزاه ده حقها بس بعيدا عن اي شئ انا حبيتك وعارف انك مرات اخويا ودا غلط كبير ) دي الرساله اللي كتبها
انا مش عارفه اعمل ايه انا بتعذب نفسيا وبتقطع وبحب جوزي وهو مش راضي يبعد عن اهله بشتى الطرق حتى ان اوقات كتير كنت بغضب وبتخانق بس هو مش بيرضى ، انا عايزه ابعد عن اخوه ده لان كل مابشوفه بفتكر اللي حصل وبكره نفسي اعمل ايه بالله عليكم بلاش تجريح انا عارفه غلطي وتعبانه نفسيا هموت والله
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الله غفور رحيم و الله يغفرلك ، لكن هو الشيطان بعينه لا يكفي انه خان ربه و خان اخوه و باقي يقلك بحبك و مش شايف غيرك يعني لو تديه فرصه ثانيه هيعيدها حبيبتي انتي تبتي و انتهى والله وعد اللي يتوب بالمغفره لمن يجب عليكي ان تهربي بجلدك وإلا ستعاد القصه صدقيني ، روحي بيت اهلك و إذا زوجك تكلم قلو انك مو مرتاحه و نظرات اخوك مو عاجبتني
زوجك مخطئ خطأ كبير ،الزوج بيعتبر اخوانه الرجال ملائكة مستحيل يبصوا لزوجات اخوانهم رغم ان الاسلام حذر من الحمو ولك كل الحق فى بيت مستقل لان بيت العيلة لا يجلب سوا المشاكل والبلاوى وانتي مخطئة وزانية وكنتى تعلمى انك تفعلى الحرام واكملتيه وشعرتي بعدما انتهتيتى واستمتعتي بالندم وقتها واخو زوجك زانى وعقابه فى الاسلام مثلك تمام وليس امين على عرض اخوه كلكم خاطئين ،توبي الى الله واندمى على ما فعلتى واستغفريه دائما وادعيه ان يسترك بعد هذا الفحش ولا تكرريه تانى ابدا وطالبي ببيت مستقل ولا تتنازلى عن هذا وان لم تطالبي ببيت وتصري عليه وان حكمت تطلقي ان لم يوافق على هذا فانتى مازالتى وقتها تطوقين لمعصية الله والشيطان لن يتركك .
يا اختي روحي بيت أهلك وابكي واصري ع انك ماتقعدي فبيتك..وفهمي زوجك ان غيابه ممكن يخلي الشيطان يدخل ويسبب مشكلة بينه وبين اخوه قوليله قريت فتوى ان حرام الاختلاء المهم اقتعيه وابكيي فبيتك ..روحي زيارة لأهلك بس لو جاء ياخد زوجك ارفضي وقولي ياتأجرلي بيت يا اما ما حأرجع معك.حطيه عند الامر الواقع
لو تزوجتيه مسيار كنتي ولا حسيتي بتأنيب الضمير
- 0
- اعجبني
- .
- اضف رد
- .
- عرض الردود
- .
- 05-10-2024
ليس عليك لوم. بل اللوم على زوجك الذي يهمل حقوقك الشرعية لمدة شهرين. فطبيعي احتياجك لاشباع رغباتك.
- 0
- اعجبني
- .
- اضف رد
- .
- عرض الردود
- .
- 05-10-2024
من الواضح ان اخ زوجك يحبك ومن كلامك انه رجل محترم . فأن كان جادا بالارتباط بك فالافضل طلب الطلاف والزواج به.
- 0
- اعجبني
- .
- اضف رد
- .
- عرض الردود
- .
- 05-10-2024
بصراحة لو مفيش اطفال نصيحتي الطلاق ضميرك يرتاح و ترتاحي و كذلك هذا الزواج غلط جدا لانه بدون تحصين ووقعتي في المحضور بسبب غيابه الدائم و بسبب العديد من الاخطاء الاخرى كالتجمع في بيت الاهل . الكثيرين يشجع دائما على بقاء الزوجة في بيت اهل زوجها في غيابه و كانها بقرة مملوكة من طرف الزوج و اهله وهذا ليس من الدين انما تقاليد بالية. الاصح في غياب زوجك تعودي لاهلك اضمن بين اخوتك الذكور و الاب .. ولا تقعدي في بيت الحمو . او تسكني لوحدك و تلتزمي القواعد الدينية و ليس قواعد المجتمع و العرف . اطلبي الطلاق بسبب غيابه و لا تفضحي نفسك في قصة الخيانة و في الطلاق لا تاخذي القائمة المعروفة في مصر و لا تذلي زوجك و اعطه كل حقوقه كاملة .
المشاكل الخيانه عندكم مثل شرب الماي علشات غاب شهرين تخونه وفيه نساء يترملون ويظلون طول العمر بدون زواج ولايخونون ربهم وايضا هالبلد يكثر فيها القتل كل يوم طالعه وحده قاتله زوجها ومقطعته بالسكاكين هذا غير الشركيات والاحتفالات الدينيه السيئه عندهم وغير الافلام وحفلات الرقص واستغرب ان فيه عرب من دول محافظه يتزوجون منهم ويجيبون بنات مثل اخلاق امهاتهم اعوذ بالله
مع الاسف انت تقولي انك متدينه ولكن الشيطان دخل لك من هذا المدخل ومع الأسف انت اطعت الشيطان فأنت فى النهاية لك القرار اما ان تنفصلى عن زوجك او تستمرى وبالفعل اخلصى التوبة لله ولكن كوني في منزلك بمفردك لا تلتقي بعائلة زوجك ابدا مهما حدث والمهم هو كيف تتوبي وترضى الله من الأفضل أن يكون لك منزل بعيدا عنهم لكن على الأقل اغلقي بابك عليك وتوبي وتقربي من زوجك كثيرا ومهما حدث فأنت من قبلت بذلك لا تحملى أحد السبب
انت المخطئة من البداية فى أنك لديك منزل خاص بك لماذا تجتمعي مع اهل زوجك وأخيه وغير ذلك انت قبلت بإرادتك أن تمارسى مع اخ زوجك العلاقة وحتي إذا كانت مرة وانت تبت لماذا تكرريها فأنا ارى أن تنفصلي عن زوجك فزوجك لايستحقك ولا تحملى مافعلت على زوجك ابدا بل انت المذنبة ويجب أن تنفصلى عن زوجك وان تتوبي بعيداً عن أهله تماما ولكن دون أن تفضحي نفسك اصمتي وانفصلى تماما
- 0
- اعجبني
- .
- اضف رد
- .
- عرض الردود
- .
- 05-10-2024
سؤالك ما حكم خيانة الزوجة مع اخ الزوج فهى كبيرة من الكبائر ستحاسبى عليها إن لم تتوبي وغير ذلك كررت هذه الكبيرة مرة أخرى أتعلمين أن الخيانة الكبرى يهتز لها عرش الرحمن انت يجب أن تتركي هذا المنزل إذا لم يقبل زوجك بأخذك معه أو تركك عند والدتك إلى حين أن يأتي حينها اخسرى زواجك وانفصلى عن زوجك تماما ولا أن تقعي فى الفاحشة مرة أخرى فتوبي إلى الله وعسي الله أن يغفر لك لكن يجب أيضا أن تبتعدى عن هذا المنزل تماما
- 0
- اعجبني
- .
- اضف رد
- .
- عرض الردود
- .
- 05-10-2024
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات الثقة بين الزوجين
احدث الوصفات
احدث اسئلة الثقة بين الزوجين
اسئلة من بلدك
احجز استشارة اونلاين