11 سنة وأنا أعيش مع رجل حياته كلها نساء وخمر ومخدرات

سلام عليكم انا متزوجة من ١١ سنة زوجي كان مسافر. وامه. تعرفت علينا وطلبتني لابنها. وجاء ابنها من السفر وخطبني وشاء الله نتزوج. و في وقت الزواج عرفت انه يشرب مخدرات ويزهب ل نوادي ليلية للسكر والخمور والراقصات. وحسيت انه بيجامع ستات لأنه مش هيعمل دة كله وهييجي علي دي وميعملهاش. و اول ما عرفت بدأت اتكلم معاه بالحسنى وانصحه. لكن شيطانه مصور له ان دة مش حرام. وكل ما ينزل اجازة في السنة. يروح الأماكن دة. للكباريهات. والمراقص هوة وأصحابه. والخمور والمخدرات انتقلت معاه الغربة وعشنا وكنا ننزل بلدنا اخر السنة. نفس الحكاية تتكرر. ويبات برة البيت. ويبررلي ان دة عادي وطبيعي وانا بموت من جوايا واستحمل عشان خاطر ولادي. لحد السنة دي لقيته بيكلم ستات علي الماسنجر والواتس آب. واجهته و قالي. عادي تسالي. واصحابه مستنينه في بلدنا عشان ينزل اجازة ويعمل اللي بيعمله كل سنة. وانا طلبت منه الطلاق. وبتقطع من جوايا ويعلم ربي ان كل الناس حسدينه عليا واهله بيحبوني جدا وعمري ما افتعلت مشاكل معاه ولا مع اهله ولا حد خالص. الا في الموضوع دة وانا انسانة اخاف الله واخاف علي اولادي عاوزة اخد رءيكم. اعمل اية مبقتش قادرة استحمل استحملت ١١ سنة وخلاص مش لاقية تغيير لأني مكنتش اعرف عنه كدة الا. بعد الجواز