بعمر ابني وأعشق الكلام معه، فما الحل؟

انا ست عمري بالاربعينات مبسوطه مع زوجي واولادي اللي صارو شباب. جبرتنا الظروف نستاجر شقه في عماره فيها 12 شقه. جارتي اللي جنبي بالعماره الجديده كنت اشفق عليها لانه زوجها بهينها وبضربها تقريبا كل يوم رغم حلوه ومتعلمه وموظفه ومو ناقصها شي . لكن صرت ازهق منها ومن حديثها لانه كله عن شب كان ساكن بشقتنا زمان وهاجر لامريكا يدرس و يشتغل بميراثه من والده هوناك . زهقتني فيه لدرجه حكيتلها عيب تعشقي ولد ما وصل عمره عشرين سنه وما ترجعي تفتحي سيرته ما بهمني شو بعثلك هدايا ولا جنسيته الامريكيه ولا شفله ودراسته . وطبعا زعلت مني وقاطعتني فتره ولانه جوزها بضربها وبطردها رجعت لعندي لحد ما جوزها يهدى وترجع لبيتها . وبيوم حسيت في شي غريب بالعماره . طلع الشب جاي زياره للاردن وراجع يسلم على جيرانه وطبعا جارتي عملتلو وبتتصرف مثل المراهقات حركه كثيره وفرحه الدنيا بعيونها ومكياج لدرجه جوزي لاحظ ونتقدها . بعد العشا حضرت نفسي اسمع تفاخر وتباهي منه عن امريكا و الشغل اللي ورثه والفلوس والتحضر وكل تباهي وتفاخر المغتربين بامريكا خصوصا معه جنسيه من وهوه طفل صغير . لكن ما جاب سيره شي كنت متوقعه يحكي فيه . شو هالثقل وشو هالفهم وشو هالاخلاق . شو هالبشر هاد . ذكاء طموح فهم عقل بوزن بلد وشخصيه بتجنن .ولكو اللي بدي احكيه ومش عارفه اعبر عنه يصيغو بطريقه سهله ومفهومه وبكلمات قلال. رجع ثاني يوم لانه اله اغراض و اوراق وامور مثل هيك . لقيتت حالي بخترع فرصه احكي معه .والله ياناس من جيل ابني . كل وقتي بفكر فيه . جبت جارتي  تحكيلي قصته وكل شي هيه بتعرفو عنه . بكيت على القساوه والظلم اللي هوه مر فيهم . وفرحت من قلبي لما وصلت كيف اخذ حقه من عمه وكيف استلم ميراثه بامريكا وصار صاحب ثروه . طول الليل بفكر فيه وطول النهار عقلي عنده وبتذكر كل كلامه .جارتي اعطتو خطها الامنيه لانه كاين اله زمان . هيه اعطو وصممت يوخذه عشان بس تقرب منه . وانا نهبلت وثاني يوم اتصلت عليه على اساس ما بعرف انه معه الرقم .بلشت المحادثه الساعه 9 الصبح وخلصت على 4 العصر ولوما هوه انهى المكالمه انا مابدي اتركه وانهيها . خليته يعمل كلشي وهوه معي على الخط يوكل يعمل قهوه خايفه يسكر الخط وما يرجع يرن رغم بمكالماته وحديثه معي بخاطبني بلقب يا خالو. ما بحكيلي غير خالتو والله انا راكزه وبحب جوزي واولادي . ليش ولد من عمر ابني سرقلي عقلي وقلبي وشغل كل تفكيري. لما جارتي حكتلي ما في حد بعرفه الا يحبه .قلت هاي مجنونه. مشان الله كيف ابطل افكر فيه 24 ساعه . وشو اللي صارلي بالزبط ؟بطلت انام قد ما بفكر فيه سساعدوني دخيلكم بدون اهانات وتجريح