خيانة وراء خيانة جعلتني إنسانة لا مبالية

انا امرأة متزوجه من ١٢ سنة وعندي ولدين وبنتين الحمد لله مشكلتي هي زوجي وعلاقاته مع البنات اكتشفت اول خيانه بعد شهرين من الزواج وتوالت الاكتشافات بعد ذلك اشي بعد سنة اشي بعد سنتين وكان دايما يطلع علي بالصوت العالي انه انا بتبلى عليه طبعا انا اكون متاكده يعني اشي قراته على تلفونه اشي سمعته باذني المهم بعد ٣ سنين قررت انه مش رح ادور ولا اسال مع اني كنت مقهورة داخليا بس احاول اقنع حالي انه ما في شي المهم قبل اسبوع وانا رايحه على دوامي رنت علي وحده بتقلي اسمعي زوجك شو بعمل واسمعته وهو عم يحكي مع وحده كلام ما بصير الا بين الازواج وبقى يحكي معها اكتر من ساعه طبعا شعوري كان لا يوصف