كيف تستعيد الزوجة الثقة بزوجها الخائن؟

السلام عليكم قصتي هحاول اختضرها على اد ما أقدر لأن فيها تفاصيل كتير ارجو منكم سعة صدوركم ورأيكم ونصيحتكم بإخلاص لانى فعلا محتارة جداا نشأت فى بيئة محافظة والحمدلله ابى وأمى متعلمين وموظفين وكانوا حريصين دايما على تربيتنا وتعليمنا أفضل تعليم بالرغم أننا نعيش عيشة متوسطة الحمدلله اتعلمنا كلنا تعليم عالى وحفظنا القرآن ولحقت بإحدى كليات القمة وتقدم لى العديد من الخطاب الملتزمين وعلى ثقافة عالية فكان ابى دايما يقابلهم بالرف ض خوفا من تأثير ذلك على دراستى المهم تقدم لى فى السنة البكالوريس ثلاثة خطاب فى أسبوع واحد فرفضت انا أحدهم وأبى خيرنى بين اثنين أحدهم من بلدى واعرف عنه كل شئ والآخر من بلد آخر وكان مسافر سبحان الله استريحت أكثر للشخص الذى لا اعرفه ووافقت وتمت الخطبة ولكن بعد فترة بسيطة من الخطبة أكتشفت أشياء عنه لم أعرفها من قبل فقالت والدته أن لديه شهادة ماجستير وشهادته كانت أقل من ذلك ولما شفت صوره الحقيفية اول مرة بعد الخطوبة لقيت شكله متغير كتير عن صورته اللى شفتها المهم حصلت كثير من المشاكل ولكن انا كنت تعلقت بيه ونزل إجازة وتزوجنا وسافر بعدها علطول بعد أسبوع من الزواج بحجة العمل وبقى ينزل إجازات أسبوعين كل 3 شهور إلى أن أنجبت طفلى الأول كنت دايما أخدم أهله واراعى بيتى وطفلى وشغلى سافر إجازة نزل كان ابنه عنده أكثر من عام وانا الفترة دى تعبت جداا بين شغل وطفلى وباباه اللى كان مريض وانا بحكم انى دكتورة فاشرفت على علاجه إلى أن توفاه الله بعد ما نزل إجازة أحسست بتغيره ولكنى عاملته أفضل معاملة وكنت اسهر لراحته وراحة طفلى وطول اجازته شهر كام ل تركت عملى حتى لا انشغل عنه ولا عن طفلى بعدها سافرنا 3 شهور بدأنا نقرب من بعض اكتر المهم طلب أننا نكون معاه بعدها بفترة بسيطة لأنه بدأ يتعلق بيا وبابنه سافرنا وكانت أول مرة نكون مع بعض فترة طويلة المهم قال لى ان له زميلة فى العمل وهو عازمها عندنا رحبت بيها بس بدأت أشك من أول يوم جات عندنا بدون زوجها وكلامه معاها وبعدها تأكدت انه دايما بيوصلها ودايما رسايل غرامية بينهم حتى كان أحيانا ينادينى باسمها انصدمت جداا لانى كنت أثق فيه لدرجة لا توصف وبدأت بينا المشاكل لحد ما بعتتلها رسالة اهددها فيها شتمتنى وهو جه فى صفها كلمت اخوه وقلتله وقررت الانفصال وتركه لأن حبى له تحول لعدم ثقة وعدم الإحساس بالأمان وزعلت على نفسى كتير اوى لانى أتحمل كتير من أجله وهو لا يستحق حتى كان غير مسؤل عن بيته وابنه ولا مصاريفنا المهم قال خلاص آسف واعتذر وبعدها حصل حمل واتكرر الموضوع تأتى منه واجهضت بعدها وفى شدة تعبى كان يخرج معاها ويغازل فيها ويعزمها بالرغم انها أقل منى فى كل شئ وهو عارف دا كويس اوى إلى أن جاء اليوم اللى صممت فيه انى أنزل بلدى وننفصل بكىكتير وحلف على المصحف انه هيتغير وما عاد مكلم اى واحدة سامحته وحصل حمل ونزلت عشان شغلى واضطريت انى أبقى فترة عشان الحمل وسافرت انا وطفلى شهر ونزلنا إلى أن أنهيت حملى وأنجبت طفلتى وبعد الولادة بفترة كان عاطينى حسابه على الفيس دخلت عليه لقيته مكلم واحدة تانية كلام غرامى وبعتاله صورها وهو كذلك وكان يعرفها قبل ذلك وهى متزوجة وبدأت لا أثق فيه ابدا فبعت لنا نسافر سافرنا انا والأولاد وحاولت اتناسى وتتعامل معاه أفضل معاملة وغيرت من نفسى كتير بالرغم انه متأكد ان اى واحدة بيكلمها أقل منى فى كل شئ وتكلمت معاه كتير وخاصة انه كمان كان له علاقات كتير على النت وغيرها وغيرها فدلونى كيف أعيد الثقة فيه تانى وخاصة انى بعيده عنه وهو يسكن بمسكن بمفرده وأيضا عنده وقت فراغ كتير أصبحت تعبانة كتير من تصرفاته وكل يوم بفكر فى الانفصال وببنى حياتى ازاى هنعيش بدونه وكأنه لم يوجد فى حياتى اصلا محتاجة اربى ولادى كويس واعلمهم أفضل تعليم وهو مأثر عليه نفسيا لانى انا اللى محتملة كل شئ فهو لا يعرف أى شئ عن أولاده فدلونى ماذا أفعل لم أعد أثق به هل انفصل عنه أم أكمل حياتى معه وما هى الطريفة التى اتبعها معه أسفل على الإطالة وبالنسبة لوجودى دايما معاه فيه أسباب كتير بسبب عملى وعمله ودراسة ابنى وللعلم انا متزوجة من 6 سنوات وطفلى فى الحضانة ومحتاج أأسسسه كويس