أشعر بأنه زوجي يفرح في غيابي ويأخذ راحته

انا تزوجت ع غربة وقت الخطبة أجى شافني أسبوع ورجع للبلد يلي بيشتغل فيه ووقت الزواج انا رحت لعنده و تزوجنا لأنه وضع بلادنا حرب كان معروف بين الناس باخلاقه ودينه لكن بعد الزواج بيومين شفت تسجيلات مع وحدة تانية سامحته لأنه كانت بالخطبة و استمر زواجنا لكن خلال سنتين زواج كل مرة كنت اتفاجا ع جواله أو حاسوبه بوجود افلام إباحية و تشات ع الميغ و الفيس والوتس و النمبز مصور فيا جسمه و يلي بيحكو معه مصورين نفسهم وراسلين لبعض حاكيته كتير ولكن عبث مع اني مو مقصرة معه بالعكس صرت زيد اهتمامي فيه نطرت لعله ينصلح و لاني ما بقدر ارجع لأهلي تحت القصف وعشان ولدي لكن بدل ما يقدر حبي له واهتمامي بعاملني بجفاء اذا اتصلت فيه وقت الشغل مع أنه بكون فاضي بيتدايق بتزين له لما يرجع من الشغل لكن ما بسمع كلمة حلوة ولا كأنه شاف شي لازم انا بادر دائما ليتقرب مني دائما صامت ما بيحكي لي عنه شي واذا سألته بيسخر مني بقول ما بحب الحكي متل النسوان مع أنه مع غيري بيمزح و بيحكي ع التلفون مع قرايبينه و رفقاته وقت طويل صرت تابع معه مباريات و شاركه اهتماماته لاتقرب منه لكن ما أثر اذا غبت عنه بحسه مبسوط بدوني و بياخد راحته بالتشات و انا يلي يتصل فيه أو بكلمه وتس ليحاكيني حاولت خفف من اهتمامي لعله يحس فيني و يتقرب هو لكن زاد البرود بيناتنا حتى إذا سألته مشتالي أو طلبت منه يضمني بسايرني بس أو ما برد ما بشاركني بقرراراته بس اذا مرضت بيسال عني ارجوكم انا تعبت من خيانته و بروده عم فكر خبر أهله عن علاقاته ولا أطلق شو اعمل ارجوكم ساعدوني انا تعبانة ومنهارة ارجوكم