زوجي يهملني ويصرف كل نقوده على النساء

السلام عليكم.... اناابلغ من العمر 30 عام احببت شاب يكبرني ب اربع سنوات وقتها كان عمري 15سنه وبالفعل تزوجته وانا عندي 20س بعد زواجي بشهور بدأت شخصيته تتغير اكتشفت انه من الشباب اللي بيعتمد علي اهله بكل الامور الماديه مش بيحب الشغل كنت بعمل معاه مشاكل علشان يدور علي شغل ويصرف علينا لغايه ما يأست منه وحاولت افهم اهلي بوضعي بس قابلوني بهجوم ان انا اللي اخترت وصممت عليه ف حين ان اخواتي كانوا رافضين فقررت اشتغل انا واشيل همي جوايا واسكت فضلت علي حالي ده سنين رزقت خلالهم ب 3بنات كان زوجي بيلجالي ف حل مشاكله الماديه واللي كانت بتكلفني الالاف ولماكنت أسأله فلوسك (لانه بعد مشاكل كتير اشتغل) فين يقولي مالكيش دعوه ع العلم انا اللي كنت متكلفه بالبيت لغايةما اكتشفت علاقته مع نساء متزوجات ولما كنت اواجهه يعتذر ويبكي ويقولي ما يقدرش يستغني عني والبنات كل ده كنت بكتمه عشان مسمعش لوم من حد لغايه ما حصلتلي مشكله كبيره ف شغلي اضطريت بسببها ابيع شقتي واخواتي باعوا عربياتهم وقتها هو مكانش موجود معايا سابلي البيت ومشي وقالي مش عايز اعرف حاجه عنك ومش فاضيلك..... بعد موقفه معايا انا مبقتش طايقه التعامل معاه علي الرغم ان اهله بيحاولوا يصلحوا ما بينا وانا مصممه علي رأيي الانفصال ان ده بني آدم ما يستاهلش التعامل معاه ولا يستحق بناته واهلي واهله بيقولولي بصي لبناتك طيب وانا هستحمل الضغط النفسي بتعاملي معاه لغايه امته... حلوها