زوجي مزاجي يصالحني يوم ويخاصمني شهر، ماذا أفعل؟
من مجهول
تاريخ النشر: 26-11-2017 12 إجابات
متزوجه من سنتين ومعي بنت زوجي كان علي علاقه حب ببنت قبل الزواج ولكنها انتهت وبعدها خطبني وحبني جدا لدرجه انه بيخاف انه يعمل اي شي يزعلني او يكلم واحده ولاحظت طول الخطوبه انه متمسك بيا وبيعملي اي شئ انا عايزاها واتجوزنا ومن هنا بدات المشاكل في بدايه الزواج بدا تظهر العصبيه والغلط فيا وكمان يعاير بالله جبهولي من فرش او دهب بس ده في وقت الغضب بس وسافرنا لبلد عربي وكان الحال يضيق ويفرج وكنت حامل وكنا بنتخانق تقريبا يوميا مع غلط اهله فيا بسبب غيرتهم مني وان ليه اخت لم تتزوج فكانو شايفين اي شي عملوه معايا كتير عليا فاعصابي كانت بتتعب اكتر من المشاكل ماكنش بيسبني في اي مشكله غير لما ابكي سعتها يسبني ويسكت ويرجع يصالحني نزلت مصر فلقيته بيكلم واحده قريبه بشكل غير لائق والبنت صدته وانا وجهتهم ولحقت الموضوع من البدايه وبعدها حلف انه مش هيعمل كده والسبب اني كنت دائما الخناق معاه لما سافرت وورجعتله لاقيته بعت رساله لبنت اللي كان بيحبها بس هي مردتش عليه عتبته بهدوء قالي اصلك ماكنتيش معايا في عيد ميلادي فعملت كده مع اني اشترتله هديه وبعتهاله بس كنت بلاقي من نفور من نحيتي بعدها بفتره كان بيتخانق معايا لدرجه انه ضربني بالفلم علشان كان عايز اني اشاركه براتبي مع انه مقتدر ومش محتاج مني حاجه وبعدها لاقيت بيحاول يوصل للبنت وبعتلها برده رساله يومها انهارت واغمي عليا فقعد يحلف وبيبوس ايدي ورجلي انه مش هيكررها تاني وعلشان انا مالقتش رد فعل منها فسكت وقلت امشي حياتي فلقيت بعده بفتره انه بيكلم واحده قربته احتجيته في شي ولاقيته حابب انه يكلمها ويسيب البيت ويقعد في العربيه بالساعتين يكلمها كل يوم فزعلت واتخنقت معاه وغلطت فيه فقام عملها بلوك وقالي خلاص انتي اللي ابقالي وهي البنت بتدور علي مصلحتها وبعدها بشهرين كان عيد جوزنا فجبتله هديه وعملت عشا رومانسي وكان مقدر ده مع انه مافتكرنيش بحاجه وللاسف برده بنتخانق يوميا بسبب اهله او اي حاجه بالظبط راجل نكدي وانا مشكلتي اني بسكت فبيزيد اكتر لحد مابطلع عن شعور وبعده جه الفلانتين برده جبتله ورد وشكولاته قلت يمكن يقدر الللي بعمله ونغير جو النكد لاقيته بعده بيومين عامل اكونت باسم بنت وباعت رساله برده للبنت اللي كان علي علاقه بيها قبل الزواج وكالعاده البنت ماردتش عليه هي برده متزوجه قمت خربت الدنيا وقلت لاهلي قام زعل وقالي انتي فضحتيني في وسط اهلك قلتله خلاص كده جابت نهيتها وعايزه اطلق قعد يقلي السبب منك انتي اللي مش بتنضفي ومش بتروقي وقعد يقول لاهلي كلام ويعيب فيا مع اني والله مابقصرش معاه وبعد كده قعد يتحايل عليا اني ماخربش البيت وعلشان البيبي اللي بينا وخلاص ده كله كلام هبل انتي ماقفشتنيش مع واحده وخلاص سكت بس هو فعلا رجل مزاجي الطبع يوم كويس ويوم ينكد عليا وبصراحه مش مامناه وحاسه اني مش ماليه عينه مع اني مش وحشه ومركزي وشهادتي اعلي مني وعلي خلق ففمكن تفيدوني بالحل معاه وهل هو فعلا كده راجل في طبعه الخيانه؟؟
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده يا سيدتي زوجك لا يزال يتصرف تصرف مراهقين وهذا امر ممنوع، هو الان رجل مسؤول وسيصبح عنده عائلة، لذا الامر له طرفان طرف اسلوب وطريقة تعاملك معه وطرف تصرفاته، لذا يجب ان تقرري ان تجلسي معه وتضعي النقاط على الحروف ليس فقط في الطريقة لاتي يجب ان يتصرف بها بل وايضا فيك انت وفي طريقة تعاملك معه، ولنبدأ بموضوعك: اعرفي الاسباب التي تؤدي للمشاكل بينكما، نحن نعلم ان اي زوجين يمران في بعض الخلافات بين الحين والاخر ولكن ليس يوميا، واعرف حالت يتغاضب فيها الزوجين ويصطلحان ولكن ليس يوميا وعلى كل الاسباب، لذا راصدي الاسباب والحالات التي يحصل فيها بينكما خلاف واعرفي هل تستحق ذلك، ربما انت تعاملينه بعصبية ونكد، ربما انت تردين عليه ولا تطيعينه او تعانديه او تعتبري نفسك المسؤول وما شابه، او تشعرينه بانك افضل منه بطريقة غير مباشرة. لذا ابدأي انت بتغيير اسلوب ورطيقة تعاملك معه لتكون لائقة وهذا من طرفك، اما من طرف علاقاته فقولي له انه يجب التحدث معك والتحاور معك لتعرفي السبب الذي يجعله التحرش بنساء اخريات، يجب ان تعرفي لماذا ومن ثم تكوني حازمة بالامر وتقولي له انا ساتغير وانت يجب ان تتغير واي غلطة اخرى مهما كانت بسيطة ولو كلمة لمرأة بطريقة غير صحيحة ولا في محلها اطلبي الطلاق واردعيه عن شيطان نفسه، ولا تتساهلي معه، ولكن ان اظهرت انت تغيير في سلوكك وخففت المشاكل بينكما واستثمرت في الحب بينكما ستتعدى المشكلة على خير، واعينيه على تخفيف العصبية فتكسبي به اجر. وفقك لله
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات الثقة بين الزوجين
احدث الوصفات
احدث اسئلة الثقة بين الزوجين
اسئلة من بلدك
احجز استشارة اونلاين
