غير قادرة على نسيان خيانة زوجي، ماذا أفعل؟

والله ما عارفه ابداء ازاي اتجوزت واحد انا اكبر منه ب٩ سنين باصرار منه عليا وبعد حب واقتناع وطبعا وقفت جانبه وساندته كتير وخلفت ٣ اطفال قمر الحمدلله ولكني بكل اسف تاكدت انه خاني ومش مره لا كذا مره ومع نساء بتاخد فلوس مبالغ كبيره معرفش ليه هو ربنا كرمه بشوية فلوس وحاسه ان قلبه قوي وبيعمل اي حاجه عاوزها هو جدع وطيب وسخي بافعاله مات الحب جوايا لاني واجهته وانكر وثار وللاسف انا وصلت لارقام الستات دي وكلمتهم هي كانت نزوه لانه واضح ومبين عليه ان ما في هذه الاشياء حاليا بس مصدومه ومش عارفه اتعامل معاه ولا انسي خيانته بتخيل كل حاجه عملها معاها بكل التفاصيل هل هو دا جزاءي منه علي صبري وتعبي ومساندتي ومعاناتي في حملي وولادتي