هل يجب اخبار الاهل بخيانة الزوجة

هل يجب اخبار الاهل بخيانة الزوجة؟ الموضوع بدأ لما لاحظت تغيّر غريب في تصرفات زوجتي الي هي بنت عمي صارت دايم مشغولة بالجوال تطلع كثير بدون ما توضح وين تروح وصارت تتفادى الحوار معي بالبداية قلت يمكن إنها مضغوطة أو متعبة لكن الشك بدأ يطاردني كنت أحاول أقنع نفسي إنها مستحيل تسوي شيء غلط لأنها بنت عمي وقريبة مني ومن أهلي لكن الشكوك زادت وما قدرت أتجاهلها

بعد فترة قررت أواجهها جلست معها وقلت لها فيه شيء بيننا لازم نتكلم عنه حسيت بتغييرات كثيرة فيك والموضوع ما هو عادي هل فيه شيء تبغين تقولينه لي هي بالأول أنكرت كل شيء وقالت إنها متعبة من ضغط الحياة لكن حسيت إن فيه شيء أكبر مخبيته قررت بعدها أخلي صديقي يتابع تحركاتها خصوصا انها ما تعرفه ولا يعرفها عشان أكون متأكد للأسف اللي كنت شاك فيه طلع حقيقي اكتشفت إنها على علاقة مع شخص ثاني وقاعدين مع بعض بكافيه والصدمة كانت أقوى من أي كلام ممكن ينقال

وصديقي وراني فيديو وانا فعليا مذهول واقول بنفسي مستحيل زوجتي تسوي كذا حاولت أكون هادي قلت لها بعد ثلاث ايام من الي صار أنتِ تعرفين إن اللي صار شيء كبير ومو سهل أتجاوزه إحنا لنا سنين مع بعض وعشنا مواقف كثيرة بس اللي سويتيه مو مجرد خطأ بسيط هذا خيانة صريحه وواضحه سوت نفسها غبيه ووريتها الفيديو وبدت تبلع ريقها ردّت علي وهي تحاول تبرر أنا كنت ضايعة وأحسيت إنك ما تعطي أي اهتمام كنت لحالي وهذا الشخص بس كان يسمعني حاولت أتصرف بعقلانية ما بغيت الأمور تكبر أكثر

قلت لها مهما كانت الأسباب اللي سويتيه مو مقبول عشان كذا رحت لأهلها لأني أحس إنه لازم أحد أكبر يتدخل في الموضوع لما علمت أمها وأبوها انفجعوا وزعلوا منها بشكل كبير، أبوها كان غاضب جداً، واعتبر إن اللي صار عيب على العائلة كلها مو بس علينا، أمها كانت مصدومة وكانت تحاول تستوعب إن بنتها سوت شيء زي كذا، بنت عمي بعد ما عرفت إني علمت أهلها، انفجرت علي

قالت: "كيف تجرأت تروح لأهلي وتقول لهم؟ هذا موضوع بيننا، مالك حق تخرب بيتي وتفضحني!" حاولت أهدّي الوضع وقلت: "أنا ما كان عندي خيار، الموضوع خرج عن السيطرة، وأنا ما أقدر أعيش معك بهالطريقة بدون ما أحد يساعدنا،" لكن هي كانت مصرة على موقفها، زعلت مني بشكل كبير، وقالت إنها ما تقدر تكمل معي بعد اللي صار، "أنت مو بس كسرت ثقتي، أنت دمرت حياتي، أنا ما أقدر أعيش مع شخص يخونني بهالطريقة،" والحين، المسألة صارت أصعب، أهلها صاروا زعلانين منها، وهي زعلانة مني، وتبغى الانفصال، وأنا بين نارين، أهلي وأهلها قريبين جداً، وكلنا عائلة وحدة، والوضع صار معقد لأبعد حد