اكتشفت خيانة زوجي مع اختي ماذا افعل

اكتشفت خيانة زوجي مع اختي انا زوجي خاننى مع اختى وشفت الشات بعينى من تليفونه ولما واجهته اعترف انهم بيكلموا بعض من فترة لكن كلام دون خيانه جسديه لكن الكلام بينهم كان زباله اوى صعب اسمعه عشت معاه سنين وانا تعبانه ومخنوقه ومش طيقاه بس مش عارفه اعمل ايه واروح فين مكنش بيحصل بينا حاجه مكملين علشان العيال وانا بتعذب حكيت لاختى الوسطانيه فضلت تقول بيتهيألك واكيد محصلش وحجات كده ومصدقتش كلامه اللى كتبهولى ولا انى شفت الشات بعينى

مرت الايام والسنين ولاقيت اللى خانى معاها بعد ما اتطلقت بتقولى زوجك بيحبنى انا وعايز يتجوزنى وقولتلها انا شفت الشات وشفت اللى كتبينه لبعض وليه تعملى في كده حرام عليكى انا عملتلك ايه حاليا كل أهلى بيكذبونى مع انهم سمعوها وهي بتقولى الكلام ده وقاطعونى علشان شايفين انى ظلماها واختى اللى وريتها اعتراف جوزى بالكتابه وبالصوت كذبتنى وبقيت انا المذنبه الوحشه اللى بتظلم اختها وبتقول عليها كلام وحش من ناحيه والناحيه التانيه عايشه مع حد بكرهه ومش طيقاه وبتعذب ليل ونهار علشان اولادى

قولولى اعمل ايه والله تعبت ومش لاقيه حل ولاعارفه اروح لمين اروح لاهلى اللى اتبراوا منى مع انهم سمعوها وسمعوا كلامها وابقي مع اللى خانتني مع جوزى وخربت بيتى وعيشتنى مدمرة نفسيا ومعنديش اى طاقه اديها لولادى واتسببتلى فى كسرتى وحزنى لليل نهار على نفسي علما ان الحديث بينهم ابتدا بعد زواجى ب٥سنين وهي اعترفت ببداية الحديث وهو كمان لكن اعترفت لي انا يعني قصدها تعيشني كل ده وتبان مظلومه قدام أهلى ولا اكمل مع واحد مش طيقاه ولا طايقه سيرته ورفضه انه يلمسني دايما عايشه حاسه انى مش قادرة استحمل القهر والاسره اللى انا فيها مليش مكان اعيش فيه واولادى ٤ مرتبطين بيا جدا قولولى اعمل ايه وأخرج من اللى انا فيه ازاى عايزة ارتاح ارجوكم ساعدوني