أفكر بالرجوع لبلدي بعد ما فعله زوجي بي

السلام عليكم الموضوع بيدا باني تزوجت في بلد غير بلدي و زوجي دايما مشغول ممكن يرجع البيت علي الساعه ١١ بليل و هو كتير مرتبط بأصدقاءه يعني ممكن يخلص دوام و يخرج معاهم كمان و علي طول متجاهلني و لما احاول افتح معاه حديث يقولي انا عندي ضغط شغل كتير و مش فاضي و سيبيني و بعدين اكتشفت انه بيتواصل مع واحده و لما سألته قالي دي بتدور علي شغل و انا يساعدها و علي الرغم انه مش بعاده بيدور لحد علي شغل اتضايقت جدا منه و عدي الموضوع وهو ما بين شغله و أصحابه و بعدين اكتشفت انه بيتكلم مع واحده تانيه غير الاولى و بيتكلموا كلام وقح جدا فواجهته وقولتله كل واحد يروح لحاله و ثورت جدا جدا وفعلا كنت ندمانه أني اتجوزت واحد زيه علي الرغم انه مكانش يبان عليه كده بس هو اعتزالي حدا و قالي مش حيكرر الموضوع ده بس شويه و رجع لشغله و علي طول مشغول و بنقعد بالايام مش بتتكلم اصلا و انا حاليا حاسه بملل شديد جدا في حياتي و اتغيرت كتير من ناحيته مش حاسه أني بحبه وحاسه بفراغ كبير في حياتي ، بفكر ارجع بلدي و ابدا صفحه جديد هناك ولا ابقي هنا علشان أولادي ياريت تفيدوني و شكرًا