متزوجة وأشعر بحزن وضعف بعد ترك حبيبي لي، فما الحل؟

اسعد الله اوقاتكم..بالبداية بتمنى ألاقي الحل إللي ممكن يريحني لاني تعبانه جدا ..ما فيه داعي،للتجريح..انا متزوجة وعندي اولاد...من حوالي 3 سنين..دخل بحياتي شخص من معارفنا اوهمني انه بحبني ومعجب فيي وكنت اسمع منه احلى الكلام ...(طبعا غلط احكي هيك لاني متزوجة وهاد عيب) بس كنت انشد لكلامه وصدقته...وحبيته ...حبيته كتير والله العظيم...وكان يصير بينا كتير مشاكل ..لما اعطيته كل اللي بده اياه من اهتمام وحب ..صار يبعد ونبعد بالاشهر ونرجع بعدين ...طبعا اكون انا السبب لهالرجعة ..لحد ما اجى يوم وتركني بحجة ظروفه ومشاكله وعيلته وأولاده...انا كتير تعبت وقتها ونفسيتي تدمرت ...ودخلت بحالة اكتئاب..وما بقدر اطلع ع دوامي..كنت ارجع ابعتله واراسله واترجاه يرد علي ويجاوبني بس بدون فايدة حتى رد ما برد علي..وكأني كنت مجرد تسلا ي وخلص...بعرف انه انا وحدة متزوجة ما بطلعلي احكي هالحكي ...بس والله العظيم حبيته وبدي انساه وكل ما بلمحه او بتيجي سيرته بضعف من جديد وبنهار ...يمكن يكون هاد عقاب من ربنا ع اللخيانه اللي ارتكبتها بحق زوجي .والله العظيم عايشه بألم وبوجع .بدعي ربنا يطلع من قلبي ومن كل حياتنا ...انا بكتب وانا بتألم كتير ..نفسي اخلص من هالحب الغلط وما افكر فيه ..حياتي تدمرت وحاسه اني،انتهيت ..بدي مساعدة من اخصائين ممكن يخففو عني