زوجي يراهق مع احدى موظفاته

Question

انا مخنوقه اوي من حجات عرفتها عن جوزي قريبا جوزي سنه 58 فاتح محل جاب وحدة مطلقه تشتغل عندو غير حجات في المحل عشان يريحها ركب نت وواعطاها الباسورد عشان تقعد عليه والله ي بنته طلبت الباسورد رفض وساعة الغدا يغديها فراخ مشويه كباب لحم ديك رومي بجبلها حلويات بكثرة ولا اولادها الثلاثة مدلعهم اخر دلع لبس اكل وهيا بصراحه مهتميه بنفسيها اوووووووووووي وغير كدا لاقيت رساله منها عا موبايله بتهني بعيد ميلادو انا قرفت من الراجل ده متصابي هيا سنها 36 مثل سني وبتلبس نظارة طبيه بس بيضه وطويله ومهتمه بجسمها اما انا طويله بيضة تخينه انا تعبانه اوي اعمل اي قلولي

الخبيرة النفسية د.سراء فاضل الأنصاري · Accepted Answer

انها فترة مراهقة ثانية للرجل لذلك تعاملي بحكمة وحاولي ان تجذبيه لك باللطف والحنية وتهيئة اجواء حلوة في البيت وليكن الاولاد متعاونين ومطيعين ويشعر بالفخر بهم ولا تذكري انك منتبهة للموضوع او تنبهيه لانها لعلها فترة ونزوة ولا تقللي من قدر نفسك وتذكري هو اختارك ولا يهم ان كنت ممتلئة ام لا اظهري جمالك

من مجهول · Answer

الله يعينك هاي مراهقه لهذذا السن لا تحسسيه بأنك منتبهه وسايسيه وإهتمي بنفسك وغيري أسلوبك معاه

من مجهول · Answer

رايي مادام هي مطلقة ممكن باي طريقة تشوفون واحد حالته المادية كويسة أو أي احد عاوز زوجه تعطوه رقمها ويتواصل معها يكون اصغر من زوجك حتى لما تقارن تقبل بيه وبعدين ممكن تتزوجه او يكتشف زوجك ويظن إن لها علاقات فيدخل قلبه شكك فيها وفي نفس الوقت أنتي اهمتي بنفسك واهتمي فيه فهو إن كان يحبك من الاصل سيعود لك

من مجهول · Answer

ملوش بالتخن ولا النحافه ابدا هي وحده عاوزه رجل يسدد فواتيرها ويصرف على اولادها وكوني واثقه انه الخطوه التاليه ستكون الزواج في حالة اي تصرف غبي منك اولا اعملي على شغل يومه خروج وفسخ وقعدات بره كتير وناس في البيت كل وقت املي فراغه وبما انك انتقدتي نفسك وقلتي تخينه يبقى تابعي مع حد مختص

من مجهول · Answer

حبيبتي الحل الأول والأخير اطرديها من المحل قبل ما تاخذ مكانك

من مجهول · Answer

إنتي مقهورة آخر قهرنه خليه يعيش حياته التغير حلو

من مجهول · Answer

اهتمي بحالك وفرجيه انك مش مهتمة بتغيراته معاها خليه يطق بتحلي بعينه ساعتها بس انحفي والبسي شي ملفت خليه يطق غيرة عليكي

من مجهول · Answer

الرجال عندما يتعدون الخمسين يبدأون بالمراهقة الثانيه فالذي امرأته نحيفة يميل للسمينه واللي ثخينه يميل للنحيفة واللي عنده طويله يبحث عن عشيقه قصيره اومتوسطه هؤلاء الرجال المثل قال يامأمنه للرجال يامأمنه الميه بالغربال الآن عليك بالصبر فهو النافع لك ولن يركض وراءها للابد

من مجهول · Answer

58 سنه انا جوزي ٦٧ سنه ومراهق وكل مايعرف واحده يحبها وهو مركزه كبير ومابيحبش غير الشغالات واللي بيسيقوا السلالم وفي الاخر واحده ضحكت عليه واتجوزتوا وورانا المر ومبهدلنا اخر بهدله عشانها وست مش صغيره عندها ٤٥سنه وعيالها شباب كبار وبيستغلوا مبلطين سيراميك وهو مش عاجبه عياله اللي متخرجين من كليات قمه وبيقارنهم بعيالها اللي ليعرفوا يجيبوا القرش ماتستهونيش بالموضوع وحاولي تخلصي منها قبل ماتتمكن منه وربنا معاكي

من مجهول · Answer

اول شي اعملي روجيم وانزلي جيبي هدوم جديده وغيري اللوك بتاعك وحسسي جوزك بالاهتمام لكن مش الزايد كوني مرتبه في البيت والبسي احلى لبس

من مجهول · Answer

لا تقارني نفسك فيها أبدا انتي ست ولك احترامك ومحترمة تروح تغور بداهيه لا تراجعي زوجك بالموضوع حتى لا يتمادى أكثر حاولي تهتمي فيه أكثر وترجعي معه ايام الحب والاهتمام و اطلبي انك تسافري معه سفريه ترجعي فيها ايام العسل معه وكفاكي تقليل من قيمتك وشكلك هي فترة نزوة والا ما يصحى منها يوما ما

من مجهول · Answer

انتى قلتى المشكلة وانتى صاحبة الحل وهى جملة مهتمة بنفسها يعنى انتى فاقدة لهذا الشىء اجدع حاجة انكم يانساء تعملوا المصيبة وتلوموا الرجال لو اعلنوا عن رفضهم كل بطريقته خسى واهتمى بنفسك علشان فى مجلس العتاب ماحدش يظهرلك غلطك

من مجهول · Answer

علاج التنحيف مالي لبلد اشتري منه واضعفي شوية غيري لبسك شعرك اصبغيه ادلعي شوية مش احنا الل حنقولك يختي

من مجهول · Answer

زوجيه اياها

من مجهول · Answer

خليك واثقة بنفسك وسيبك منها ومنه علميه الأدب ع فراش الزوجية اهجريه

من مجهول · Answer

ايه المشكله لما مثني وثلاث علشان انت خايبه عرفاش تتغيرى مع الزمن والايام

من مجهول · Answer

شوفى اللى عجبه فيها واعمليه وشوفى اللى بيزعله منكم ومتعملهوش الراجل زى العيل بكلمة طيبة تاخدى عينه وبالمشاكل والشجار على بيت امك والمحاكم

من مجهول · Answer

اهتممى بنفسك واعطيه اهتمام وحاولى تكونى مليه حياته بحبك ليه واهتمامه وخلى اولادك يقربوا منه ويزروه فى المحل منن وقت لاخر

من مجهول · Answer

يتزوجها ويريح حاله ويريحك

من مجهول · Answer

شوفى نفسك وتغيرى الى الاحسن اكيد فى عيب عندك

من مجهول · Answer

العمل عمل ربنا ها تعملى ايه يا شابه غير انك تصبرى وتحتسبى الاجر عند الله جزاء صبرك على زوجك وجزاء تربية اطفالك

من مجهول · Answer

اهتمى بشكلك وعيشى سنك وبطلى تدفنى راسك فى التراب هتتعبى شوية فى اﻻول عشان هتحولى تجوسي على قلبك بس بعد كجا هتجسلك تناحة عتدى كلنا هذا الرجل يا عزيزتى كل الرجلة كدا مش جوزك شوفى نفسك

من مجهول · Answer

الراجل يبص فى طبق غيره عشان طبقه فاضى الاجابة بين السطور

من مجهول · Answer

انتى بتغنى وتردى على نفسك شوفى انت بتقولى عليها ايه وبتقولى على نفسك ايه اصلحى من شانك اولا وبعدين شوفى النتيجه

من مجهول · Answer

حاولي تخلي بالك من نفسك وكل الرجاله ملهاش امان

من مجهول · Answer

انت السبب لو احتويتيه ومليتي وقته بحبك ليه وحس فعلا بيك لا يمكن يبص بره مهما كانت حتي لوكانت ملكه جمال العالم فيا اختي املي حياته ولاتتركي له لحظه يمكنه ان يذهب لغيرك فاذا وجدك كل يوم ماليه عليه حياته اقسم لك لن يبعد عنك وربنا يوفقك

من مجهول · Answer

اهتمي بنفسك ولبسك حاولي تعملي دايت وتمشي شويه عشان وزنك ينزل واهتمي بلبسك ومن فتره لثانيه كلميه موبايل والفتي نظره باهتمامك بيه ولما يرجع البيت خليكي روشه ومش معقده واهتمي بنفسك من مكياج وبرفان ودلعيه عشان تقدري تبعديه عن اي ست غيرك شوفي طلباته واللي بيريحه سفري انت وهو لاي مكان تغيير جو ومن وقت لاخر زوريه في المحل

من مجهول · Answer

للاسف المشكلة في زوج حضرتك مش فيها هي بس انتي كان لازم تعرفي كدة من الاول من خلال خبرتك من السنين دي كلها

من مجهول · Answer

هل هى متزوجة ولا مطلقة دة يفرق كتير لو كانت متزوجة وامكانيات زوجها بسيطة يبقى هو بيساعدها بطريق غير مباشر ودة يحتاج الحديث معاة للتٱكد من نيتة وتصرفاتة معاها اما لو مش متزوجة لازم يبقى فى وقفة لان ممكن يبقى فى خطورة لابد من الكلام معة بدون عنف عشان توصلى لنتيجة لكن مع الانفعال مش هتخدى حاجة ولو حستى انة متحمس ليها بدرجة كبيرة اطلبى تغيرها بسكرتير او مساعد لة فى المحل

من مجهول · Answer

شوفى ايه اللى فيها عاجبه و اعمليه و اهتمى بنفسك و بيه ارضى دائما الطفل اللى جواهو حاولى تفكريه ان له بنت لابد من الظهور امامها مظهر القدوه

من مجهول · Answer

جوزيه لانه ده حب ومراهقه متأخره وطالما معاه كده اكيد متجوزها عرفي

من مجهول · Answer

تزبطي وشوفي ايش الحاجات الي بتعجبو فيها واعملي زيهااااا واحسن منها لعل وعسى

من مجهول · Answer

كلنا نرفض أفعاله اما أنت شوفى اللى ناقص فيكى علشان يدور عليه عند غيرك

من مجهول · Answer

اهتمى بنفسك مثلها واصلحى نفسك مع ربك يصلح للك زوجك000

من مجهول · Answer

اصلحى من نفسك اولا اجعليه لا يرى منك الا كل جميل من النظافه والرائحه الطيبه واهتمى بنفسك واجعليه هو كل همك وكونى له ام وحبيبه واخت وزوجه ان شاء الله يرجع لكى وحدك

من مجهول · Answer

ادعي لها أن ربنا يهديه

من مجهول · Answer

اهتمى بنفسك وغيرى من نفسك واعمل رجيم عشان تخسى وبيان جمالك ثم كل يوم استقبلية بشكل جديد بقميص نوم وأرقصى له وكونى كل النساء فى البيت وساعتها مش ها يلاقى فرصة يبص على بره

من مجهول · Answer

اعملى رجيم غيرى من نفسك

من مجهول · Answer

مرااااااااااااهق وحاولى انت ان تتجملى وتتزينى وتدلعيه ليكون فردا آخر عندما يراك شخصية اخرى وعيشى حياة الفتيات الصغيرات وغيرى دوما من نفسك لونيها بما يعمى بصره عنها واعانك الله

من مجهول · Answer

لاتنفعلى - وبهدوء فاتحيه وروحى للمحل من وقت لاخر باى حجة وعامليها زفت وخيريه بان يطردها او يبقى عليكى

من مجهول · Answer

صاحبي الست دي وقربي منها اووووي

من مجهول · Answer

اهتمي بنفسك

من مجهول · Answer

الحل عندك شوفى ماذا تفعل وتجعله هكذا وافعلى أكثر منها

من مجهول · Answer

انا اسمى مينا وبقولك متقليش بنفسك انتى شخصة محترمة ومهذبة بتحترمى نفسك ودينك وبتعملى ال بيقول عليه كتابك فمتخفيش انتى صليله ان ربنا يهديه ولو انتى مقصرة فى حاجة من ناحية اللبس او شى اخر حاولى تغيريها وخليه يحس انك بتعملى حاجة تسعده وال اخت التانية بتحلى نفسها علشان مش فارقة معاها يعنى من الاخر هى ال اقل منك وهو سامحينى جوزجك بيهتم بيها علشان حاجة واحدة هى مش مذبوطة معاه فمتسويش نفسك بيها وهو دايما الكدة الراجل دنى بطبعه عكس الست بتكون اكثر احتراما ومش كل الرجالة طبعا ومتقلقيش اهم حاجة غيرى اى طبع وحش ليكى

من مجهول · Answer

اعملي زيها في كل حاجة واهتمي بنفسك وانزلي المحل معاهم وزوديها شوية مع الزبائن

من مجهول · Answer

اولا هومبصش بره غير لما لاكى بتهمليه هى عندها نقص والان كملة نقصها اما انتى متجوزه روتينى الوقار واخدك وعايزاه يبصلك وه كده الراجل النصيحه هيئ الجو فى البيت اكثر من الاول جددى شبابك تانى اللبسى قمصان نوم جديده خليه مايلقيش حاجه يدبها للتانيه اوتقربى منها وتشوفى ايه الميزه اللى مش عندك واخر حل اقوله لك صاحبيها ياما يجوزها وخلاص

من مجهول · Answer

كوني صبوره لان هتاتي عليه فتره يفيق منها ويكون ليكي فقط ودي مجرد نزوه عنده اصبري وكانك مش عارفه

من مجهول · Answer

شوفى جوزك ايه اللى ناقصه فيكى و خلاه يبص لغيرك دورى على الست اللى جواكى مش اللى شغاله معاه و شوفى نفسك فيها اعتبرى نفسك عاشقته و شوفى حترضى حبيبك ازاى ولا الكلام ده فيه كسوف ولا انتى مش ست كيدهن عظيييييييييييييييييييييييييم

من مجهول · Answer

مع احترامى لكى انت السبب لم تقدمى له ما ينشده ويبحث عنه فى هذا السن الحساس وربما تكونى اهملتيه فوجد حياته مع من تهتم بنفسها حسب قولك وانتى واضح انك رفعتى الرايه البيضاء بسرعه ولم تدخلى حلبة المعركة ادملى المعركة وتسلحى بانوثتك واهتمى بنفسك سوف يرجع فى يدك من اسرى المعركة كان الله فى عونك

من مجهول · Answer

استى -كملى الى ناقص عندك وشيفاة فى المطلقة وبلاش مكابرة

من مجهول · Answer

اتعقد بما انها مطلقة فوجودها خطر عليكم

من مجهول · Answer

ههههههه اعملى زيها اهتمى بنفسك وغيرى اسلوبك معاه وبلاش استجوابات ومحكمه وتجاهليها تماما مع الصبر والدعاء هايرجعلك ان كان فيه خير لك

من مجهول · Answer

وحدة زوجها أتزوج عليها ولما عرفت الحكاية من بعيد لبعيد سوت نفسها ولا تعرف حاجة وقاعدة مع زوجها عاااااادي واﻷمور من أحسن ما يكون وعايشة حياتها و16 سنة وهي مبسوطة ومرتاحة وحياتها 100 مات زوجها وانتهت ايام العزاء واجتمعوا عندها أهل زوجها يبغوا يفتحوا الهرجة ومو عارفين من فين يبدأوا وهيا تطالع لهم ولا مهتمة وعارفة إيش يبغوا قام أبو زوجها قال لها يابنتي في موضوع أبغى أهرجك فيه بس أبغاكي تتفهميه وما تحملي اﻷمور أكثر مما تحتمل قالت ولا تقول شي يا عمي عارفة ان ولدك كان متزوج عليا

من مجهول · Answer

وحدة زوجها أتزوج عليها ولما عرفت الحكاية من بعيد لبعيد سوت نفسها ولا تعرف حاجة وقاعدة مع زوجها عاااااادي واﻷمور من أحسن ما يكون وعايشة حياتها و16 سنة وهي مبسوطة ومرتاحة وحياتها 100 مات زوجها وانتهت ايام العزاء واجتمعوا عندها أهل زوجها يبغوا يفتحوا الهرجة ومو عارفين من فين يبدأوا وهيا تطالع لهم ولا مهتمة وعارفة إيش يبغوا قام أبو زوجها قال لها يابنتي في موضوع أبغى أهرجك فيه بس أبغاكي تتفهميه وما تحملي اﻷمور أكثر مما تحتمل قالت ولا تقول شي يا عمي عارفة ان ولدك كان متزوج عليا

من مجهول · Answer

شئ عادى بيلاطفها علشان تستمر تعمل معاه فى المحل عدلشان ما حدش لاقى عماله واهتمامها بنفسها عشان تحس هى والاخرين انها ما زالت ضغيرة والامل فى الزواج بالنسبة لها ما زال موجود

من مجهول · Answer

الخطأ عندك انتي الراجل دائما يحب زوجته تكون احلي واجمل وارشق والطف حد علي وجه الارض انما لما تسيب نفسها وتتخن وماتعرفش ترجع زي الاول يبقي العيب فيها هيا ولو الست نفذت الوصايا العشر هاتكون اجمل وافضل واحلي وارشق ست في الكون وزوجها مش هايبص بره لان كل اللي هو عاوزه هيلاقيه في زوجته

من مجهول · Answer

شككيه فى نفسه احيانا حسيسيه انك عارفه واحيانا حسيسيه انك مش عارفه حاجة ووقت تكونى مبتسمة وجميلة ووقت

من مجهول · Answer

المشكله مش انك بيضه او سمراء الست بعد تجيب اولاد تهمل مخلوق اسمه جوزها وتتحول من ست جميله مهتمه بنفسها الى كائن نكدى همه الاولاد الزوج محتاج زوجه لما بيفقدها بيدور على غيرها حتى لو عندة 100 سنه لما يكون عندى ست ليه ادور على غيرها انما لما الاقى مخلوق مقرف ونكدى لازم ادور على ست اصلحى من نفسك والكلمه الحلوة و الابتسامه تأسر قلوب الرجال جربى وان شاء جوزك يرجع انا رجل اعانى مما يعانيه زوجك

من مجهول · Answer

اهتمى بنفسك

من مجهول · Answer

انتى غلطانة من الأول انك ارتبطى بإنسان اكبر منك بكتير وبعدين فين الخيانة هو غلطان فعلا لأن اللى يصرفه عليها بيته أهم

من مجهول · Answer

انت السبب بطلي طفح عمال علي بطال حتي في التعليق بتقولي بيجيب لها حلويات وبط انسي وروحي اعملي رياضة إنتي السبب

من مجهول · Answer

ده رجل ناقص بس انتى كمان السبب علشان تسيبى زوجك يرتع ويمرح مع واحده شغاله عنده تعالى قابلينى اذا لم يعمل معها علاقه اويتزوجها عرفى وقد تكون اهملتى فى نفسك بعض الشئ اهتمى به بعض الشئ قد يكون هو شايف فى الموظفه حاجات مش شايفها فيكى من اهمالك له اهتمى بنفسك شويه لغايه ما ربنا يهدى هو انتى فرطتى فى زوجك والان قرفانه خلاص اذا رجع يبقى خير وبركه مارجع وعاد لعقله ما فيه امامك الا المواجهه معه فكريه بالاولاد فكريه بمصير الاولاد فكريه بربنا فكريه ممكن البيت يتخرب فكريه بشتات الاسره فكريه الا بيصرفه على الموظفه البيت والعيال محتاجه فكريه الدنيا فانيه وذائله فكريه اذا لم يرجع الى رشده قولى له سوف افضح امرك مايجيب له موظف اذا كان محتاج هى الموظفه لو محترمه مش مشكله ده رجل مراهق لعبت بدماغه البنت الشقيه قالت اضحك عليه واستفيد منه قولى له اطرد الموظفه دى بدل ما اعمل ليك فضيحه علشان يرتعد قولى الى اهلك وبما يفعله بس ياريت تكونى متاكده من كلامك ولا تكونى ظالمه الزوج

من مجهول · Answer

اهتمى بنفسك لو انتى ست

من مجهول · Answer

شوف هو نقصة من نحيتك

من مجهول · Answer

حاولي تغيري من حاجات كتير حاولي تتخلصي من الملل والروتين اللي في حياتكم جددي بأي شكل حاولي تخرجي كتير بسب وبدون سبب وما تحاوليش تجيبي سيرتها عشان ما يهتمش بيها اكتر وتفتحي علي دماغه علي حاجه ممكن بيعملها عادي شفقه ورحمه و الله اعلم

من مجهول · Answer

اهتمى بنفسك شويه وشوفيه بيحب ايه اعمليه وسيبك من النكد واعملى جو حلو فى البيت وحاولى ترجعيه

من مجهول · Answer

اهتمى بنفسك جدا وحسسيه انه سيد الرجاله ومتكلميهوش فى حاجه واملى نفسك من بنها

من مجهول · Answer

ابحثى عن عيب فيك من بين اربع عييوب 1 اما ان تكونى مهمله فى نفسك 2 اما ان تكونى كثيرة الاسئله كنت فين رايح فين اتاخرت ليه هاتيجى وقتيه هتروح وقتيه 3 نكديه ومش بتعدى اى حاجه صغيره او كبيره 4 مش بتحترمى اهله حتى لو كانو كلاب

من مجهول · Answer

الحل سيط جدا اهتمى بنفسك وبمظهرك اكثر منها واظهرى جمالك دون اب تتعمدى لفت نظره ليكى وحاولى تعملى رجيم لتكونى اكثر رشاقة منها بدون ان تقارنى نفسك بيها او تشعرى زوجك انك بتحاولى تنافيسيها وهتلاقيه بسرعة هو عمل مقارنة بينكم فى سرة واختارك انت وتركها ولم يعد يهتم بها وهذا ده ماحصلش فقط تواصلى معى وسوف اقول لكى الخطوة التالية هتكون ايه أوكى ربنا معاكى وبالتوفيق انشاء اللهز 01227024497

من مجهول · Answer

مترجعهوش لبيته رجعيه لربنا عشن لما هيفتكر ربنا هيعرف انه ظالم فاكريه باخرته واوعي تجيبي اللوم علي نفسك انت ست بميت راجل كفايه انك مستحماله عرفيه اني فيه ربنا ولبت دي سلطي عليه شويه ستات تاخد علقه حلوه منهم تطفي بيها نارك منها ومتعرفيش حد انك انتي ورا العلقه دي وكل يوم وهي راحه للمحل سطلي عليها ناس يضربوها ام عين باكسه دي واعملي نفسك عبيطه وجيبي اكل لاودك واهاتي لبس لنفسك ومتغيريش معامتلك ابدا عشان هيلاحظ انك ورا الموضوع اتعمالي كانه العادي بتاعك وفكريه بربنا وقريبي منو بهدوء وعدي الموجه دي علي خير والبت دي تطفي نارك من ناحيتها بقي

من مجهول · Answer

انت غير من تصرفاتك ويجب ان تكوني احسن منها انا كيما زوجك عجبتني موظفف ة معي لكن فرضت على زوجتي ان تتغير بالشكل من ملابس عطور كلمات حتى تغنيني عنها وبالفعل رجعت الى زوجتى

من مجهول · Answer

شوفيها بتعمل ايه وعملى احسن منها وهتلاقى جوزك يرجعلك وطول مانتى مكشره واربه بوز هوه مش ناقص عننه والى يلاقى عسل ميكلش مش

من مجهول · Answer

لا تتركى زوجك مهما حدث حاولى ان تعيديه الى بيته بكل الوسائل واهتمى بنفسك وبمظهرك واصبرى عليه بتقربك من الله وبكثره الدعاء والاستغفار ولا تحاول اثاره المشاكل معه حتى لا يتطور الامر ويتزوجها حاولى ان تنبهيه مع احد من اقاربه حاولى بكل الوسائل دون اثاره او تأثير على حياتك

من مجهول · Answer

طالما نفس المواصفات اللى عندك باقى انك تخسى وتكونى زيها وخدى بالك من لبسك ومن نفسك زيها واهتمى بيه زى الاول قبل مايتزوجها ولن يطلقها الا بالطبل الحيانى الحقى نفسك ملحوظة لو تطلقتى لن تتزوجى تانى از زوج اسوء من زوجك الاول كل الرجالة عينهم زايغة لو الزوجة بطلت تهتم بيه واول واحده يبص لها صاحبتك لانها اول واحدة بتتفاعل مع مشكلته معاكى لانها شايفة اخطاءك وهى بتعمل عكسها والنتيجة باى باى للصديقة والزوج فهمتى ولا نقول كمان

من مجهول · Answer

الستات المتزوجات ما يعرفوش يحافظو علي ازواجهم تشوف هو بيحب ايه وتعمله له مش عيب ده جوزك فيش عيب ولا كسوف بدل ما يروح بره وترجعي تزعلي انت اةله

من مجهول · Answer

الستات هم السبب في طفشان ازواجهم اتجوزتي خلاص مفيش اهتمام بنفسك علشان كده بيروح بره وبعدين تزعلو انتو السبب اهتمي بنفسل اعملي له اللي بيحبه جنينه في البيت هدي حيله خليه مفهوش نفس يروح بره شوفي ايه اللي ناقص عندك وكمليه مش هيروح بره تاني ده جوزك مفيش كسوف بينك وبينه اعملي له البدع في البيت

من مجهول · Answer

العند معاه مش هينفع حاولي ترجعيه ليكي بطريقه ذكي لاطفيه لاعبيه واسأل مجرب

من مجهول · Answer

الحل في ايدك وسهل جدا 0 بصي الراجل ما بيبوصش لبارة بيته إلا لما بيكون في تقصير من الست بتاعته ناحيته 0 يعني بتبقي مهملة في نفسها 0 شوفي اية الناقص في حياتك تجاهه واعمليه 0 وشوفي هو بص ليها علشان اية واعملي زيها واحسن 0 خاللي زوجك لما ييجي من شغلة للبيت يلاقيكي كل يوم في جديد 0 يعني لما ييجي يلاقي واحدة تانية خالص كل يوم ابهرية بالجديد وفاجأية 0 وحضرتك بتقولي انك تخينة حاولي تخسسي نفسك شوية مش يمكن هو ده اللي خلاه يبص بارة ولغيرك 0 نهاية الموضوع والكلام احتويه

من مجهول · Answer

بصراحة شوفى ايه اللى فيها شده وحاولى تكون احسن منها او زيها المحاولة دى لوحدها هترجعه ليكى زاحف

من مجهول · Answer

صممى على طردها من المحل الا تلاقيه قريبا اتجوزها اقفى موقف شديد الا تندمى واهتمى يا اختى بنفسك من فلووسه يعنى يمنع عن زوجته ويعطى المدللة خللى بالك ربنا يهدى سرك ويفك كربك

من مجهول · Answer

ولا شيئ كوني له مثلها بافعالها ليعرف ان زوجته مهتمه بعه وبنفسها كما تفعل هي ولا تهربي من الحلبه ليس امامك الا هذا وبذكاء خسي وغيري من اسلوب معاملتك له تاكلي انتي الفراخ والمشوي والمحمر والمشمر والا عاوزه كل شيئ بدون مقابل من الانوثه والجمال والحب والا ستخسري كل شيئ انهضي نفسك وغيري من اسلوب حياتك وشوفيه بيحب فيها ايه اعمليه شدي حيلك

من مجهول · Answer

انتى جاوبت على نفسك اعملى زيها وشوفى ايه الفرق بينكم واصلحى منه هى رشيقه وانتى تخينه اهتمى بنفسك وانتى هتقدرى ترجعه لكى

من مجهول · Answer

انصحيه أن يت قي الله وأن لا يعمل الحرام وإن كان يتزو ج من تحل له فلا تحزني طالما الله أحل هذا للرجل أم ا السن فليس هناك من حد في الفارق بين الزوج والزوجة صغرت عنه أو كان هو الأصغر سن ا لكن الناس ابتعدت عن شرع الله ولا تراعيه أم ا كون عمره 58 سنة فلا دخل له في ذلك وقد يكون ذا رغبة جنسي ة قوي ة فذلك حق ه على ألا يفعل الحرام وعليك أنت أن تهتم ي بنفسك وجسدك لكي يجد ما يتلذ ذ به معك في الفراش ولا تزه ديه في فراشك ولا تنكري عليه ما أحل الله له وطالبيه بحق ك والاهتمام بك وبأولادكما وأو ل ذلك اهتمامك أنت بنفسك وما يرغ به فيك ولا عليك من الأخرى وكل له رزقه ونصيبه واعزلي الأولاد عما لأبيهم من مفاسد واحرصي على علاقة الأولاد مع أبيهم وأن تكون طي بة ولا تستعملي الأولاد لتحاربي بهم أباهم والله أسأل أن يصلح الأحوال وأن يرد الضال وأسأل الله أن يغنيك من واسع فضله

من مجهول · Answer

حاولي تغيري من اسلوبك في التعامل مع زوجك البسي ملابس مثيرة حاولي تتلعي عليهو شوية باسلوب رقيق

من مجهول · Answer

اهتمى بنفسك ثم اهتمى بيه اكثر من الاول والفتى نظرة بقميص نوم جديد ودلعيه شوية وماتسبيهاش تسرقة منك

من مجهول · Answer

أهتمى بنفسك فى الفترة القادمة وتقربى له لان الراجل فى السن ده بيفرح بيها لفترة قصيرة وهيعود لادراجه لانها بتحسسه أنه مازال مرغوب فيه وبيعيش الحب الخيالى وولاده يكونوا حواليه وكونى قوية لا تهتزى وهيرجع صدقينى قريبا

من مجهول · Answer

اهتمي بنفسك

من مجهول · Answer

حاولى تشوفى ايه اللى عاجبه فيها ونعملى زيه

من مجهول · Answer

الشرع حلل اربعة خليه يتجوزها

من مجهول · Answer

أهتمى بنفسك شوية واخرجى من حالة الروتين التى تصيب الستات بعد ماترى زوجها كبر شوية تظن فى نفسها انه مفيش داعى للاهتمام به وهذا نجهله جميعآ فبعد الخمسين أحيانا يشعر الراجل بأنه وجد من يهتم به وراى فيه مالم تعد زوجته تراه أعتقد المشكلة فيكى لعدم أكتراثك بأن الرجل فى هذه السن محتاج أنه مايحسش بسنه الكبير وأنه مازال مرغوب وفيه من الجاذبية ماتجعله يقبل على الحياة وهذا ماوجده فى هذه المرأة التى رأيتيها قد لعبت على زوجك ولكن هى أستغلت عدم أهتمامك بزوجك ووجد هو الحب المنشود الذى فقده منكى

من مجهول · Answer

خسى واهتمى بنفسك

من مجهول · Answer

ربنا مسيرة يفضحة علشان عﻻقة غير شرعية ارمى حملك على ربنا وهيجبلك حقك ضرورىى

من مجهول · Answer

اولا اطرديها ثانبا اهتمى بنفسك جدا وبه جدا جدا واكيد انتى عارفه جوزك بيحب ايه وحاولى تخسى وترجعى لرشاقتك لان كثيرا من الارامل والمطلقات مع احترامى لكثيرا منهم محترامات لكنها اصبحت العمله السائده هذه الايام رمى الشباااك على الرجل المتيسر ماليا وفى سن الشيخوخه بالذات لحد ماتلهفه وتتزوجه وانتى بقى دورى على ميتك تسخن ومش بعيد يكون متجوزها احذررررررررررى احذرررررررررررررى

من مجهول · Answer

اهتمى بنفسك وكونى بشوشه معاه

من مجهول · Answer

اكيد العيب فيكى انتى صلحى من احوالك وانظرى لحالك اكيد سوف تعلمى سبب اتجاهة الى امرأة اخرى اولا اصلحى من نفسك وسوف يعود اليك سريعا

من مجهول · Answer

اهتمى بزوجك اكثر من ابائك لانه هو الا باقى لكى واهتمى بنفسك اكثر من الكلامده

من مجهول · Answer

انت من تركت زوجك يذهب لاخرى معللة ذلك بانه دخل فى سن الشيخوخه ونسبت نفسك واهملت بها ظنا منك انك قد اعطيت كل ما تملكين ولكن وباسرع وقت اتت من فى مثل سنك لتشرق على زوجك وتضع لمسة اهتمام للرجل فما كان منه الا ان استجاب لها وبدلا من ان تتخذى موقف من نفسك فتعيدى الامل المفقود بينك وبين زوجك القيت باللوم عليه واتهمتيه بالمراهقة والتصابى ونسيت احتياجاته دون النظر الى ما يقدمه لك ولاولادك من تعب ومشقة لتوفير الحياة الكريمه افيقى يا امراة

من مجهول · Answer

حاولى بالحسنه و بالنصيحه وأولاده يمكن يعود لرشده

من مجهول · Answer

وانتي ليه بتخليه يبص لبره لو كنتي مريحاه

من مجهول · Answer

اهتمي انت بنفسك اكثر منها واهتمي بزوجك

من مجهول · Answer

اصبرى وسوف الحق يرجع لصاحبه

من مجهول · Answer

اهتمى بنفسك وخسى لكى يراكى جميلة فى نظرة

من مجهول · Answer

بنتي انت في معركة بقاء او فناء اما تكسبي زوجك لصفك وتكسبي بيتك وولادك او تخسرية وتخسري كل شيء الرجال خطائون لا شك في ذلك والزوجة يقع عليها العبء الاكبر في استقرار البيت اقترحي عليه اذا كان قادر انه يفتح بيت تاني خليه يتزوجها في الحلال ويعدل بينكما واعدك انها مجرد نزوة ستصيبه بالفزع بعد شهر سياتي راكعا امامك او تدخلي في الموقف عن طريق طليقها بالضغط عليها لاجل ابناؤه او تدخلي معه عن طريق شخص كبير في العائلة يكون له تاثير عليه الانهيار وفقدان الثقة بالنفس سيسبب لك الكثير من المتاعب وهذا ما نجحوا فيه واتضح من كلماتك هي وانا انت لازم تكوني انتوتتفوقي لانك انت الهدوء مفتاح وضمان حل نزوات الرجال تحياتي

من مجهول · Answer

من اولها واضحة سنها صغيره وهو كبير في السن وهي مهتمه بنفسها اوي ياستي والله بعد شويه تكون هي الست وانتي العامله كلميه

من مجهول · Answer

عزيزتي يبدو أن ك لا تهتمين بنفسك جي دا حت ى أن ك فقدت الثقة بنفسك وتتحدثين عنها بطريقة سيئة حاولي الاهتمام بزوجك كثر وتقر بي إليه قد يحتاج زوجك بعض الاهتمام حت ى لا ينظر إلى غيرك وفقك الله

زوجي يراهق مع احدى موظفاته

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

فيديوهات ذات صلة

مقالات ذات صلة

كيف أجعل زوجي يهتم بي؟ نصائح استعادة اهتمام الزوج

الزوج الشهواني وعلاج الشهوة الزائدة عند الزوج

زوجي يكرهني! طريقة التعامل مع الزوج الذي يكره زوجته

طرق التعامل مع الزوج الشكاك

كيف أتعامل مع وعود زوجي الوهمية؟

زوجي مدمن لعبة ببجي (علاج الزوج المدمن على ببجي)

اختبارات ذات صلة

اختبار الزوج النرجسي: هل زوجي نرجسي! أكملي الاختبار لتعرفي

اختبار هل زوجي يحبني؟ اختبري مشاعر زوجكِ تجاهك

اختبار الشخصية المتسلطة والرغبة بفرض السيطرة

اختبار حب الناس: كيف أعرف إن كنت محبوباً؟

اختبار الغيرة العاطفية: هل أنت من النوع الغيور؟

اختبار إدارة الغضب "كيف تتعامل مع الغضب؟"

أسئلة ذات صلة

مقالات ذات صلة

احدث مقالات الثقة بين الزوجين

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

احدث اسئلة الثقة بين الزوجين

اسئلة من بلدك

احجز استشارة اونلاين

شارك في اخر الاختبارات

اختبار الشخصية التجنبية: هل أنت شخص انهزامي!

اختبار نوع الغيرة: اكتشف غيرتك من أي نوع!