ما الحل مع زوجي وعلاقاته النسائية التي لا تنتهي

ابي حل لمشكلتي تزوجت زوجي زواج تقليدي و طبعا اول الايام صارت بيننا مشاكل كثيره و الحين مرو سنتين على زواجنا.. أول مره اكتشفت انه يخوني مع بنات و كلمته وقال انا اسف وحقك علي و مر وقت وحسيت انه يكلم وحده لأنه كان دايما يبتعد عني لما يفتح الواتس و يلاحظني وانا اطالع رده فعله لأن استغرب كان يبتسم و باين انه في عالم ثاني وكان دايما يخبي التلفون إذا راح مكان حتى المطبخ ياخذه معاه من غير ما احس و إذا راح الحمام يخبيه في محفظه الجينز تبعه كل مكان ياخذه معاه ويوم اكتشفت وكلمته بهدوء إذا أنا مقصره معاه في شي او فيني شي يخليه يروح يكلم بنات قال مافيك ولا شي واعتذر لي بس انا ثقتي فيه راحت وصرت ابدا ما أوثق فيه وكذا مره والحين هالفتره عدل تصرفاته معاي وبدأ يهدأ عن سوالف الحريم و الحين المره الثالثه اللي اشك فيه لانه في يوم تأخر عني وجا الفجر وماصدقت عذره هالمره لأن الثقه راحت وقال لي خلاص انا عقلت وقام يخلي التلفون يمي عادي و يخليني أخذه واجوفه ويوم خله تلفونه عندي قلت خلني ارسل صوره لي حبيت اسوي البوم واكتب عليه كلام وكذا و شد انتباهي فيديو له وكان قاعد في غرفه و راسل فيديو واتس انه راح ينتظرها و يبي يجوفها و كلام غزل لها وكان هالفيديو في نفس اليوم اللي تأخر علي فيه إلى الفجر كان يقولي مع أصدقائي وهو قاعد بروحه في مكان و ينتظر بنت... وانا مصدومه منه انه مايبي ابد يترك النسوان و سوالف المراهقين ومستحيل أثق فيه ولو قليل ابي اعرف كيف اتصرف معاه اتركه ولا ابقى واجوفه يغازل البنات ولا شنو لاني تعبت من كثر ما انا اسامحه و اجوفه مشتاق لغيري هل هو عنده مشكله ولا نزوه ولا شنو