زوجي يخونني باستمرار ماذا أفعل

السلام عليكم زوجي يخونني باستمرار ماذا أفعل انا بكتب الرساله دي وانا منهاره وسبحان الله ربنا حط قدامي الموقع دا لعله يكون سند لي في محنتي ممكن اقول نبذه عن نفسي في الاول انا متجوزه من سنتين معايا بنت عمرها سنه قبل الجواز كنت البنت الهاديه الرقيقه الخجوله الي الكل يشهد لها باللاحترام مكنش ليا اي علاقات ولا ارتباطات بالاولاد كان بيتقدمي شباب كتير وكلهم عن طريق معارف او اقارب كنت بترفض من عرسان وكنت برفض برضه عرسان ومش عارفه اضحك ولا ابكي بس كان في منهم بقول لا شكلهم بتوع بنات وانا اخاف علي نفسي اني اتجوز حد كده

المهم بقيت ٣٠ سنه واتقدم شاب في نفس سني الخطوبه كانت اقل من سنه في فترة الخطوبه كان مبيتصلش ولو اتصل دقيقه و ممكن يخاصمني فيها كان بيتحجج باي حجه يعمل بيها زعل وخصام الوضع كان مقلق بس مشعرفه ليه كملت هو النصيب قولت الحال هيتعدل بعد كتب الكتاب لقيت هو هو مفيش اشتياق وخصام بالاسابيع بدون اسباب من اول يوم في الجواز وهو علي النت ورنات عليه الفحر كنت واخده الموضوع بضحك وعبيطه وبقول قد كده متعلق بالنت تمر الايام والاقي رقم معين هو الي بيتصل طول يوم بلا توقف مسجله باسم ولد بالبحث

عرفت انها بنت صبرت نفسي وقولت كل الشباب ليهم بنات بيكلموهم ف التليفون وربنا يهديه وهياخد عليا وهينسي ايام العزوبيه لانه اتجوز وهو مش صغير برضو فمان متعود علي النظام دا علاقته الحميمه بيا كانت غريبه من اول يوم وهي مره في اليوم عكس ما بنقرا وبنعرف قولت عادي ... كان من اول اسبوع يختلق اي مشكله وينلم في اوضه تانيه ويخاصمني بالايام مرت الايام وولدت وهو قالي قعدي عند امك وفعلا قعدت فتره والغريب انه مش زي اي راجل برضو مكنش في اشتياق ولا حنين وبيتهرب من رجوعي البيت وبياجله وكانت الطامه لما رحعت البيت واكتشفت ان في بنت جت بيتي وانا مش قاعده ومن تليفونه عرفت انه بيعمل علاقه معاها علي النت وفي الحقيقه كمان ااصدمت ومعرفتش اعمل ايه انا بحبه ودا لانه اول راجل في حياتي اول حد لمس ايدي اول حد سمحتله يقولي كلام حلو

سكت من القهره وكنت بكدب الي قريته وبقول اكيد مش علاقه بجد وكنت بقول السبب حملي وولادتي وبعدي الفتره دي المهم انه قعد شهور بعد ولادتي ميقربش مني وكل ما احاول انا يكون مثار جدا بس برضو يرفض لحد ما رجعت العلاقه بس اضعف من الضعيفه ممكن مره في الاسبوع او مره في الاسبوعين وبيكون مثار وفي حالة اتتصاب بس بيتهرب المهم اني عرفت من الشات مع واحده من الي كان بيعمل معاهم علاقه قبل الجواز وبيقولها عاوز يعمل دلوقت كمان معاها انه بيمارس العاده ومش عاوز يحي جمبي وفعلا شفت انه بيمارس العاده دلوقتي هو علي علاقات محرمه مع بنات ومتزوجات وانا حامل لانه رفض اني اخد وسيله

هتقولو انا الي معنديش كرامه والمفروض اطلق هقولكم لما كنت بقرا مشكله زي دي قبل ماقع فيها كان دا نفس راي لكن اقسم بالله خيار الطلاق صعب اوووي الي عاوزاكو تساعدوني فيه اني عايزه انتقم منه ايوه بحبه جدااا بس دمرني ومخلاش عندي ثقه في نفسي وكل ماعرف انه عارف واحده واشوف صورها العريانه اقول هفضحها وارجع اقول لا بس هو عاوزه انتقم منه عاوزه مثلا اعمله عاهه وممكن بعدها اطلق منا مطلقش بعد ما حطمني كده وهو يعيش حياته لا لازم يحس بالله عليكو بلاش تجريح فيا او في كرامتي وياريت لو في مكلقات يساعدوني ازاي اخدو الخطوه دي و تخطو المرحله انا بموووت والله