أصر على الطلاق من زوجي بسبب علاقاته المحرمة مع النساء
![أصر على الطلاق من زوجي بسبب علاقاته المحرمة مع النساء](https://static.hellooha.com/revamp/assets/imgs/logo-desktop.png)
زوجى تعبت معاه بسبب الخيانه و الامراض كرهت انى اعاشرة مافيش امان تانى ليه عزلت نفسى عنه وفضلت فى البيت و سكت عن طلب الطلاق علشان ولادى ومصاريفهم وقولتله روح اتجوز النتيجه انه بيعاند فى اى طلب مشاكل على طول و قال لولدى انا مش هتكلم فى حاجه بنتكم مش عايزانى و انا هطلقها و الاولاد هيدفع ليهم مصروف 1000جنيه فى الشهر واناعندى ولد وبنت فى مدارس تعمل ايه مصاريف ووالدى قاله هى عايزة تنقلهم مدارس خاصه رفض يدفع مصاريف وانا متاكده انه يقدر يدفع وقال تجبهم يعيشوا معايا وانا مش هخليهم محتاجين حاجه وانا مقدرش اسبهم وبيشرط عليا انى اتنازل على حضنتهم لو اتجوزت تانى هو مالوش حق يحكم عليا وحضانتهم مع والدتى لو اتجوزت حتى ممكن اسقط حضانته لانه مش متعلم و اتسجن 6شهور و كمان ورق الدكاترة اللى تظبط امراضه من الزنا والدى تعبان خايف من بهدله ولادى هما هيتبهدلوا وانا خايفه على نفسى من المرض تانى انا صليت استخارة و متوقعت انه يقول هطلق يارب ادعولى انى ربنا يقف معايا لانى تعبت معاه مش عايز يتغير بيكدب وفى الاخر بكتشف خيانته بسهوله كل همى اهلى عارفه هيقولولى اتحملى بس اتحمل ازاى ده الا الزنا خايفه منه ومش عايزاه يلمسنى كل مااتكلم معاه يقولى انت عارفه انى كده انت اللى اتغيرت لان كنت بسكت وانا عارفه خيانته علشان كرامتى وكان عندى امل يتغير و معرفهوش انى عارفه حاجه كل همى ولادى انا ولا لفكر فى جواز تانى مش عايزة اتجوز حد غريب و اتبهدل تانى عايزة ولادى فى حضنى و ابعد عن النجاسه يارب استرها معايا وعليهم
شارك في الاجابة على السؤال
يمكنك الآن ارسال إجابة علي سؤال
![علم United States](https://static.hellooha.com/revamp/assets/flags/us.png)
كيف تود أن يظهر اسمك على الاجابة ؟
- أخصائية علم النفس والتثقيف الصحي ميساء النحلاوي شكرا لك سيدتي على ثقتك بموقع حلوها . يحق لك الانفصال عن زوجك بعد تكرار خياناته لك ولكن قبل ذلك قومي بتحليل لتتأكدي من خلوك من أي مرض معدي قد يكون أعطاك إياه وليطمئن قلبك لأنك كما يبدو من نصك خائفة جدا من هذا الاحتمال . اطلبي الطلاق واشترطي حضانة أولادك والزميه بمصاريفهم طبعا فهو من دمر هذا الزواج بتصرفاته . ابحثي عن عمل حين تعيشين مع أهلك فتستقلين ماديا لتسدي النقص في مصاريف الاولاد. لا تفكري بالزواج مباشره ، أعطي نفسك وأعطي أولادك فتره نقاهة وانتظري حتى يكبروا قليلا فلا يتأثروا بزواج جديد بالإضافة الى بعدهم عن والدهم . مسؤوليه أولادك ستنتقل إليك بالكامل بعد الطلاق ولا بد أن تستعدي لهذه المرحله الجديده من حياتك بتفاؤل وإيجابيه ، من أجلهم.
يابنتي لازم تطلق من هذا الزوج اللي مايخافش ربنا عزوجل. ولايعرف الحلال من الحرام بقاك معه خطر كبير عليك انت والاولاد قد يتقل لك مرض الايدز بعلاقاته المحرمة والاولاد راح يتاثروا بافعاله المحرمة القذرة دي ومش بعيد. يعملوا زيه لما يكبروا لابد ان تطلقي منه فورا وتصوني كرامتك وكرامة ولازك ومسالة انه بياخذا الا ولاد منك فلا يقدر الشرع والقانون يعطوك حق حضانتهم. اذا تطلقت وتلزميه بالنفقة لهم شرعا دي حقوقهم اياكان تتنازلي له عنها. وربك كريم بيرزقك بخير منهويبارك لك في ولادك اياك والاستمرار معه
لا ياختي حياتك مع هذا الزوج الزاني الفاسق غير صحيحة ولاجايزة من حقكي طلب الطلاق منه لرفع الصرر عن نفسك ولصون كرامتك وكرامة ولادك ومسالة الاولاد يبقوا في حضانتك حسب الدين والقانون ولايصح له اخذهم منك او تتنازلي له عنهم حتى لو تزوجت توول الحضانة لامك. ومازوم يصرف عليهم النفقة الشرعية التي تقرها المحكمة و 1000 جنية ايش تعمل في الزمن ده الخياة بقت صعبة والاسعار غالية ومن حقكي تعيش حياتك بعد الطلاق تزوجي اذا جاك نصيبك وربنا بيكرمك بالزوج الصالح. اللي يقدرك ويسعدك ويعوضك خيرا في هذة الحياة المهم اوعي تفرطي في حقوق الاولاد حتى لو ادى الامر الى رفع دعوى عليه في محكمة الاسرة والزامه بالنفقة والمصاريف لاولادك ربنا معاك ويسر امرك ويسترعليك انت وولادك ان شاءالله
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات الثقة بين الزوجين
احدث الوصفات
احدث اسئلة الثقة بين الزوجين
اسئلة من بلدك
احجز استشارة اونلاين