أحببت الطبيب الذي عالجني نفسياً من خيانات زوجي ثم ..

انا متزوجه من 21 سنه .. زوجي كان علي علاقه بامراه أخري قبل أن يتزوجني و اكتشفت أن هذي العلاقه استمرت بعد زواجنا... و عدني أنه سيتركها وأنه يحبني انا لذلك تركها و تزوجني... أنجبت ابني و بنتي و بعد ذلك اكتشفت أنه ما زال مستمر في علاقتهم ..طلبت الطلاق و فعلا انفصلنا هو رفض يطلقني و حلف أنه قطع علاقته بها نهائيا.. رجعنا لبعض و بعد عده سنوات اكتشفت أنه علي علاقه بامراه أخري جديده ... انا تعبت و كرهته جدا .. دمرني نفسيا مع العلم اني علي قدر كبير من الجمال و اصغر منه بكثير و من عيله إجتماعيا افضل منه ... فقدت ثقتي بنفسي و كرهته جدا بس مقدرتش انفصل عشان انا بحب اولادي بجنون و هم بيحبوا ابوهم جدا .. هو اب حنون جدا .. و الغريب أنه بيحبني جدا .. انا مقلتلهوش اني عرفت بارتباطه الجديد .. و مكانش فارق معايا خلاص ...بس قررت اني اروح لدكتور نفساني لاني كنت متدمره نفسيا... من هنا تبدأ مشكلتي.... انا مهما اقسمت مش حعرف اشرح اذاي نشأت علاقه بيني و بين الدكتور ... أحببته حتي النخاع .. .وهو حبني جدا جدا .. بس هو كمان متزوج و لديه اسره و اولاد و معندوش مشاكل مع زوجته ... استمرت علاقتنا 7 سبع سنوات ..للاسف علاقه كامله غير شرعيه ..زي المتزوجين... هو اخد شقه لينا و كنا بنتقابل باستمرار ... هو سيطر على حياتي كلها .. هو اول صوت بسمعه الصبح لما بصحي .. و اخر صوت .. هو معايا في كل وقت بالتليفون ... حتي أدق تفاصيل شغلي أو اي مشاكل عندي في الشغل هو اللي بيحلهالي.... وقف جنبي في كل مشكله مرت بيا في خلال السبع سنوات ... حتي في مرض امي قبل وفاتها هو كان معنا في كل التفاصيل و هو اللي كان بيشرف علي علاجها و اختيار الأطباء و الصالح لها .... هو أهمل زوجته وأولاده في هذه الفتره .... بعد وفاه امي ...هو ذهب لأداء فريضة الحج...و اول كلمه قالها لي نتقابل في السقف بعد ما ارجع ... انا رفضت بشده .. رفضت اكون السبب اللي حيضيع حجته ...و بعد وفاه امي حصلي تغيير كبير ... اقتربت اكتر من الله .مع العلم اني طول السبع سنوات كنت ببكي لربنا في كل ركعه اني ابعد عنه وعن المعاصي و يقويني. واني اقدر ابعد عنه ... رفضت اني انام معه و كان كفايه عليا اني اتكلم معاه و اسمع صوته كل شويه ..هو كان بيبكي بالدموع لما قلتله نسيب بعض و اني مش حقدر أكمل كده ... استمرت علاقتنا هكذا لمده سنه ... و انا كنت سعيده جدا لاني مش بعمل حاجه تغضب ربنا ..و أنه لسه موجود في حياتي ...في نفس الوقت تغير زوجي اخيرا بعد 20 سنه و اصبح شخص آخر يحبني بجنون و اظن ربنا هداه و معندوش اي علاقه آخره .. المشكله ان حبيبي الطبيب تغير فجاه ... و بدأ يبعد و لا كان كان فيه بينا كل هذا الحب ... اصبح شخص غريب عني .. انا بصراحه كرامتي وجعتني و بعدت عنه و احيانا بيكلمني من وقت للتاني أو يبعت رساله أنه لسه بيحبني.. بس هو كاذب ..هو أصبح شخص تاني ... انا مش برد علي تليفوناته ولا رسائله.. بس انا تعبانه و بحبه جدا جدا و قلبي بيتمزق و مش عارفه اعيش من غيره .. حاولت كتير ..بس مش عارفه ... انا ممزقه ... انصحوني اعمل ايه مع العلم اني لما لقيته بعد ..بعدت جدا انا كمان .. لان كرامتي وجعتني.. بس انا في الحقيقة حموت من القهره و الزعل ...و بيجيلي خنقه نفس وانا نايمه .. انصحوني اعمل ايه بالله عليكم..