كيف أتعامل مع زوجي الخاين الذي يتحرش بالشغالات

أنا متزوجة من 13 سنه وكانوا الشغالات يهربوا من عندي وفي وحده قالتلي ترى زوجك وسخ وماصدقت وفي شغاله طولت عندي جلست شهر ونص وكنت اروح دوامي قبل زوجي وفجاة قالت ببطل وهي خارجة جلست عند رجلي وجلست تبكي وتقول سامحيني ومارضيت تقول السبب بس مع خيانات زوجي المتكررة فهمت انه فعلا كان يسوي حاجات مع الشغالات المهم قبل اربع سنوات من كثر مازهقت من حركاته لما اكتشفت فضحته عند اهله وامه ودقيت على اهل الي كان يكلمها وارسلت مكالماتهم الجنسيه قلت يا اما يتعدل يا اما ينقلع وبعد الفضايح اتعدل وماعاد شفت شي وجبت شغاله صغيره وكنت اعلمها شويه شويه وهي صوماليه واللي يشوفها يقول طفله ونحيفه ومافيها أي معالم انثويه لسه المهم أنا جميلة لدرجة انه يكره نفسه لما نروح أي مكان من كثر ما يتلفتوا عليا رغم اني محجبه وما احط نقطة ماكياج وجسمي الحمدلله يجنن والمصيبه انه دائم اشبع زوجي واغير الروتين لكن الواطي واطي الي صار انه الشغاله كانت تتكلم اختها بصوت واطي سمعتها تقول حركات وسخه قلتلها قفلي وتعالي واستدرجتها الين عرفت الطااااامه واعترفت ان زوجي يتحرش فيها ويمسكها في مناطق حساسه والمصيبه انه أنا ما قصرت واعطيه باستمرار وحتى لما نكون جالسين كل شويه ابوسه واحضنه يعني مغدقته ودلع واحب وهو كمان نفس الشي !!! والشغاله طفله حتى صدر يادوب وكمان ريحتها دايم طالعه وهو يسوي نفسه قرفان يقلي اقرف من البنت هاذي وانا معتبرتها زي بنتي واقلها قوليلي ماما وقوليله بابا وزوجي ثمنيه واربعين سنه ونص شعره ابيض ويصلي الحقير طبعا هي مو كذابه لانه له سوابق ولانه طريقة شرحها باين انها صادقه يعني مو جالسه تبهر وتقول عمره ما دخلني غرفة النوم وعمره ما حاول يشيل ملابسي الا مرة ولما كنتي نايمه يوم ماراح يشتري بويا للغرفة عمل كذا وكذا يعني واضح صدقها وهو طبعا ينكر ويقول مستعد احلف بس ماني طااااايقته ولا مصدقته يعني اقلها عمره فسخ ملابسه تقول لا هو من فوق الملابس بس يدخل يده تحت ملابسي لو كذابه بتقول ايوا وتفتري وهو تمطر طبعا بس متفشل واضح انه كذاب وصار بيني وبيني نقاش قلتله تفو عليك يا واطي يا رخيص عندك أولاد يا حقير قام ضربني ثلاث كفوف قدام امه المهم أنا مو سعوديه وزوجي نفس الشي وهو من بلد غير بلدي أنا تايهه مو عارفه آش اسوي مو طايقته وبيت اهلي ماقدر اروح عندي اخت عندها مس بس تشوفني تصرخ وتفضحنا عند الجيران لي سنين مادخلته ومتفشله اروح بيت اختي ابغاه يخرج واقفل الباب من جوه بس المشكله امه عندنا ومو قادرة تسافر عشان الطيران مقفل وكل شويه تدخل الغرفة تقلي خلاص سامحيه لو صار فيا شي بسببك انتي ترضي عليا اترجاكي كل شويه ؟تبغيني ابوس ايدك يعني قلتلها أنا جالسه عشانك بس انه انسى او اتصالح معاه مستحيل أنا ما ابغاه ابغى اتطلق وطفشتني كل شويه تجي تقلي ضغطي مرتفع لو صار فيا شي بسببك قلتلها يعني انتي تاركته المفروض هو عند رجلي دحين يتاسف على الضرب وعلى الخيانه سكتت وراحت غرفتها أنا عندي ماجستير مع مرتبة الشرف ورافض اني اشتغل بحاجة الغيره وهو حابسني خايف ربي يعاقبه على خياناته فيا لا غيره ولا شي والمصيبه اني ورثت مبلغ كبير حول ثلاثمية ألف وللاسف مر بضائقه واعطيته وحلف يرجع فلوسي وكل ما افتح له الموضوع يقلب الموضوع هجوم دحين أنا مو عارفه ينفع اخرج وامه في؟ ينفع اروح أنا واولادي شقه نفروشه يقبلونا؟ آش حيصير في اقامتي لو تطلقت حاسه اني تايهه وانا ابوي متوفي واخواني سلبيين ما ابغى ادخلهم لانهم ما يخبوا على حريمهم و حريمهم من النوع الي يتشمت وامي مسكينه مريضه وحالتها حاله أنا متضايقه واكتب والله وابكي كرهانه نفسي وحياتي وكرهانه مطبخي الي تحرش فالشغاله في كل زاويه فيه مو مستوعبه انه قذر لدرجة يلعب في طفله !!!! وانا عنده وقدامه مو مستوعبه لما اتذكريقلي خليكي مرتاحه أنا بروح اسوي لي قهوة ويروح عشان يتحرش فيها وكل ما أتذكر كلامه وهو يقلي خلي الشغاله تنام فالصاله بلاش عند الاولاد ويحاول فيا احس اني اموت من القهر ماكنت اتوقع انه يبغى يتحرش فيها يا الله ينام المغرب عشان يسهر يعرفني انام بدري ويروح يلعب فالمطبخ ادعولي وانصحوني أنا تعبت من التفكير