ماذا تفعل المرأة لو وقعت في الحب وهي متزوجة

السلام عليكم ماذا تفعل المرأة لو وقعت في الحب وهي متزوجة عاني من أذى نفسي قد أكون أنا السبب فيه الموضوع وهو اني تزوجت وانا في ثالثة جامعه وكنت عيشة مبسوطة جدا وع زوجي ومتفاهمة إلى حد كبير زوجي رجل محترم وبيحبني جدا وانا كنت ذلك لكن عنده ضعف شخصية شوية وانا غيرت فيه للأحسن وكنت بعرف ازاي اتواصل معاه وبعد أن انتهيت من الليسانس بعام بدأت دراسة دراسات عليا وأثناء الامتحانات حصل معي شئ غريب على وهو اني حلمت لدكتور لي في الجامعة هذا الدكتور انا اعرفة بالاسم ورايته مرة فقط لكن ولا مرة حضرت له محاضراة صحيت من الحلم مستغربة وحاسة بانجذاب ليه غريب استغفرت ربي واستعذت وقولت دا شيطان بالمناسبة انا امرأة على خلق وعمري ما حدث اني تحدثت مع رجل غير زوجي وكنت برفض ختي علاقة الصداقة

المهم تاني يوم من الحلم هذا روحت الامتحان التاني فوجئت أن هذا الدكتور وانا بسلم ورقتي للمراقبة بيسأل ني كنت حضرتيلي قبل كدا ، وعرف اسمي لأنه جيه وقف جمبي وانا بمضي طبعا انا ساعتها كل إلا كان في دماغي اني خايفة يشيلني المادة لأنه معروف عنه شديد قولتله اه مرة بالكذب وخلاص وسيبته ومشيت وظل طول فترة الامتحانات يراقبني بس من بعيد يتعمد يدخل اللجنة بتاعتي يتعمد يقف جمبي ويتكلم عشان ارفع راسي وهكذا لكن الأسف والمحزن اني تعلقت بيه مش عرفة ليه وطبعا عشان قبلها كنت خايفة اشيل المادة اضطرت اني اكلمه واتس اب اطمن قالي لا تقلقي وكلام من هذا القبيل وصار بيننا كلام على فترات متباعدة اسالة على النتيجة على تكملة الدراسات العليا عن رأيه يعني اعترف اني احيانا كنت بتلكك ظليت هكذا سنة و4 شهور ملام بس قليل لكن انا مشاعري اتجاهه في تزايد وارق نفسي رهيب دا مش مبادئ انا متزوجة ازاي قلبي يتحرك لرجل آخر

كنت بموت بمعنى الكلمة لكن الا كان بيصبرني اني اعلم ان الله لا يحاسب المرء على ما يخفيه في قلبه وان هذا الأمر حدث فجأة بدون اي ترتيب لغاية في يوم كنت حلمت بيه وقلت عليه كلمته عرفت انه مسافر كان بيعمل عمرة ووقتها قالي انه مسجد النبوي باركت له وكالعادة قولت له ادعيلي وأرسلت له تهنئة كان يقرأ ولا يجيب انتظرت ثم سألت المهم بعد يومين رد عليا وقالي اختصار للكلام زوجتي قرأت الكلام وزوجتي غيورة ومن فضلك لا ترسلي لي شيئا قولت له حاضر بس ممكن اكلمك أعرف ايه الا حصل كان قصدي وقتها كتابة قالي بعدين تاني يوم لقيته رانن عليا واتس ومسنجر حوالي 6 مرات طلبت منه نتكلم كتابة لكنه كان مصمم نتكلم صوت قولت تمام بس اليوم غير مناسب نبقى غدا وكان في حاجة كمان عايزاة اقولك عليها كلمني تاني يوم وفهمني

انا ملقتش نفسي غير اني اعترفت له بمشاعري الا كنت مخبياه طوال السنة ونصف لكني لا أقل له الكلمة مباشرة كل إلا كان في بالي وقتها مش هو خالص قالك مش حنتكلم يبقى اعترف له واخلص والموضوع ينتهي خالص لكن الا حصل أعد طبعا يحاول يفهمني اني زي اخته وأنه حرام يفرق بين زوجين وكان الحقيقة منتهى اللطف والأدب قولت له انا مش عايزاة منك حاجة كفاية الا انت لنا ترسل لي بوستات الذكر والصباح أو المساء دا كفيل يسعدني انا عارفة اني متزوجة ولا يحق لي والله ربي شاهد إنني لا أريد خداع زوجي وتخيلت الموضوع خبنتهي كدا فوجئت في آخر المكالمة بيقولي بعد نصائح وانا زي اخوكي ولو عليا حفضل ارسل لك بوستات ومعاملتي معاك من منطلق الأخوة واهتمي بزوجك وابنك لكن في وسط كلامه توقفت على بعض الكلمات

قالي ماشي بس في عوائق الكلمة التانية وان خفتم الا تعدلوا الثالثة لعن الله من خبب بين رجل وامراته الرابعة زوجتي غيورة لدرجة رهيبة طبعا انا وبسمعه ترجمت أن هو كمان مشدود ليا لكن حراام ولا يجوز اتفقت معاه على أننا تمام اخوات لكن طبعا انا فشلت في السيطرة على مشاعري وكنت بضعف وأصبحنا نتكلم لكن في الحدود لا عمري تخطيت حدودي ولا هو كلامنا معظمه كان بوستات صباح استغفار يعني وان زاد الكلام بيكون على ليه انت مش بتسأل فينك مش باين يعني واستمر الوضع هكذا 3 شهور من بعد اعتراف له أوقات يكون لطيف جدا ويرد عليا وساعات ي بعتلي ورد الصبح أو اقول له صباح الخير يقولي صباح التفاؤل السعادة الورد يعني وأوقات يبقى سم وانا على نفس الوضع أوقات اشتاق وأوقات ابقى مش طايقه نفسي لأني مش مستريحه للوضع ودي مش أخلاقي لكني حبيته وفي يوم قولته انا مش قدرة ومش عارفة ابعد عنك وانا فعلا كنت بحاول كتير ابعد وامسح الرقم وارجع اكلمه قالي انا موعتكيش بالحاجة من الاول وفهمتك قولتله عارفة بس اعمل ايه قالي استعيني بالله لما لقيت نفسي مش قادرة

طلبت منه يعملي حظر لأني انا عملته وفكيته مردش عليا وسابني بعديها حاولت اكلمه تاني لقيته فعل الحظر فعلا طبعا انا وقتها تعبت لدرجة المستشفى ومحاليل ورجعت كلمته تابعة ما طلبت منه يرفع الحظر وفعلا رفع على طول ي واتفقت معاه على أنه تمام حنكون أصدقاء واخواتك وبدغي ربنا تكون ليا في الآخرة وكنا برده نتكلم شوية كلام عادي وشوية برده يطنشني لكن كنت مستحملة بسبب حبي ليه وكنت بعرف اخليه يرد عليا يعني فهمته شوية لأنه الحقيقة هر الراجل الا حبيته جوزي حبني فحبيت المهم في يوم صحيت من النوم لقيته عمالي حظر عشت اسود شهر ونصف وانا بحاول تواصل بيه عشان نتكلم وافهم لحد ما رد عليا ولقيته بيقولي والله ما في شى سئ ليك انا مش عايز اتكلم وخاصة انك متزوجة ولازم تفهمي كدا قولتله حاضر إلا أنت عيزاه وشكرا ليك لأن انا كمان كان نفسي اعمل كذا لكن كنت بضعف بس عايزاة أسألك ليه فجأة قررت كدا مردش عليا طب انت كنت شايفني ازاي قالي انسانة محترمة جدا قولتله تمام اوعدك اننا مش حنتكلم تاني بس من فضلك ارفع الحظر لأن دي إهانة وانا مش قبلها وفعلا رفع الحظر السؤال هنا بقا بعد سرد الموضوع انا تعباااااااانة جدا ومش قدرة انساه ومش قدرة أتعامل مع زوجي طبيعي ببذل مجهود جبااار عشان محسش اني مقصرة والسؤال الأهم هل هذا الرجل كان بيتسلي بي ام فعلا كان في مشاعر بس لانه رجل كان متحكم احيانا وكان بيضعف احيانا والله والله مرة حلمت بيه انه جالس على مكتبه وبيكتب سألته حضرتك بتعمل ايه الان قالي بكتب ورق كنت مذهلة حلمت انه جالس في الحرم والحمام يحلق به بعديها طلع الحج كان في حاجات غريبة بتحصل غصب عني كنت بتعلق بيه اكتر وشكرا جدا واسفه على الإطالة