زوجي لا يستطيع أن ينسى حبه الأول

اسمي رنا متزوجة من 4 سنين زوجي اخو صاحبتي وكنت اعرف من صاحبتي انه كان يحب بنت من ديانه غير ديانته ولانه صعب زواجهم افترقوا بحب ، المهم تزوجته لانه بعجبني وكنت مستلطفته وقلت مع العشرة والزواج بنسى حبه ، تزوجنا اول 3 شهور بس كان كل شي عادي لحد ما بعدين بلشت احس انه في شي غلط وانه في شي بحياته وعرفت بطريقتي انه رجع يحكي مع الي بحبها لانه مو قادر يفارقها هو ما بعرف اني بعرف طول الوقت بمثل عليه اني مو حاسه بشي مشان كرامتي، وبضل اواسي حالي قلت لما نخلف بختلف الوضع وقررت اخلف وجبت ابنا صار عمر ابني سنتين هو اب حنون وبحترمني عمرة ما غلط علي بس بحس دايما انه تعامله معي نابع من تعذيب ضمير ، وانه الحب لهديك مره عرفت انه بمكان معها ومن بعيد رحت اشوفهم ملامح وجهه غير ضحكته كل شي ... لهلاء ما حكتله اني بعرف ومو قادره اواجهه وهو مو معطيني فرصة لازعل او حتى احاسبة من كتر احترامه الي وطيبته .. مش عارفه اكمل حياتي معه كانه ما في شي واتاقلم وممكن باي وقت تتزوج هي وتنساه والا اواجهه وازيد تعذيب ضميره؟