اكتشفت أن أمي على علاقة بوالد خطيبتي

سلام عليكم ورحمه الله وبركاته مش عارف هتكلم ازاي اتمني تفهموني و تقولولي اعمل ايه رجاءا بدون اي تطاول بعد اذن حضراتكم اكتشفت ان امي علي علاقه بوالد خطيبتي الموضوع لم يصل لحد الزنا لكن كاد ان يصل اكتشفت ان في مكالمات فيديو بينهم وفي اجزاء من جسد امي واضحه ولكن مش اللي جه ف بالكم والله اعلم ممكن يكون حصل فعلا و اكتشفت انهم كانو متفقين تسافرله و تقعد معاه فتره بما اني مشغول ف الشغل كاي شاب عشان يتزوج و والدي في الخارج و كانت هتسافر بحجه العلاج و ان اخواتها ف نفس المدينه اللي هوا فيها و كانت مصره جدا علي السفر لكن عنايه الله كانت بتخليني ارفض واصر علي الرفض و من ضمن الكلام حبيبي و يا عمري و الخ من الكلام دا و واجهتها الاول انكرت بتاتا ولكن لما سمعتها المكالمه كانت هتبوس علي رجلي لكن لم ارضي وقالت لي سامحني ربنا بيسامح غلطه ومش هتتكرر تاني و الخ واجهت ابو خطيبتي رفض تماما انه يعترف و انا مرضتش اقول ان انا شفت صور من المكالمه الفيديو و سمعت كلام بيصدر منه عشان سمعه امي قدامي معاه و هوا جاب عليا اللوم كله عليا انا عشان شكيت فيه و اتهمته اتهامات زور و ان حتي اذا والدتي قالت حبيبي او او ان هيا بتعتبره زي اخوها عشان هيا اكبر منه بما يتعدي العشر سنين و كمان انا اعتذرتله بطريقه غير مباشره المشكله الكبري اني موجهتهوش وجه لوجه ان المسافه بينه ما بينه ٥٠٠ كيلو سفر والمشكله الاكبر اني كل ما بشوف امي او تعدي قدامي بفتكر المكالمات و و و ولما بكلم خطيبتي ف التليفون بفتكر برضه الموضوع و صوتي واضح ان في حاجه و بتقولي في ايه بقلها مفيش او شويه مشاكل ف الشغل وحاسس اني لو كملت هظلمها عشان هيا غلبانه جدا و تعلقت بيا جدا جدا وانا حبيتها و لما بقول لوالدتي اني مش قادر اكمل بتقولي حرام عليك ملهاش ذنب و الوالده بعتتله مبلغ من غير ما تقولي مفيش غير من فتره قصيره مبلغاني و انا بعتله مبلغ كمان هيا اللي قالتلي عليه علي سبيل السلف و عدي شهرين لغايه دلوقتي مردهمش و الوالده بتقول اعتبرهم زكاه انا تركت الشغل الثاني عشان اقعد معاها وواكتفيت بشغلانه وحده وللعلم الوالده هتساعدني في زواجي بس انا بعد دا مش هقبل اي مساعدات منها ومش عارف ارجع اعاملها زي الاول ! قلولي اعمل ايه انا مش عارف ودماغي هتتفرتك و مش عارف احكي مع حد نهائي اعمل ايه مع خطيبتي ولا امي ولا ابو خطيبتي اعمل ايه و هنسي ازاي و هتبقي عيني ف عينه ازاي ولو كملت و تزوجنا هعرف اعدي الموقف دا !! ساعدوني بالله عليكم