هل أستمر مع زوجتي بعد خيانتها للمرة الثالثة

انا الزوجه . وكل واحد قال اى حاجه عنده حق . بس ربنا بيقبل التوبه ومش هقول اى مبررات بس لازم اى حد هيرد يعرف بعض الحقايق.  انا اتربيت فى بيئه وحشه جدا بابا سابنا وانا عندى ١٢ سنه وامى كانت هى اللى مسئوله عننا فكان عندى حرمان من الأب فى أكثر وقت اى بنت محتاجه لأب يخاف عليها  ويعلمها الصح من الغلط.  امى كان اهم حاجه عندها تلبسنا وتأكلنا وعمرها ما قالتلى ده عيب او حرام دى كانت فى معظم الاوقات بتساعدنى وتقوينى انى اكلم اى حد . لحد ما اتجوزت وانا عندى ١٩ سنه وانا مبعرفش اصلى ولا عارفه ايه حلال وايه حرام.  جوزى هو إللى علمنى كل حاجه وكنت مش مقتنعه بس بسمع الكلام وكانت امى رافضه اى حاجه صح بعملها.  واللى بيقول خانت ٣ مرات مش هترجع لازم يعرف أنه أول مره كلمته فى التليفون بس واه بعتله صورى علشان كنت بعمل كده عادى قبل ما اتخطب والسبب انى كنت عايزه احس انى لسه مطلوبه،  وتانى مره بعد ٧ شهور كان بسبب انى مش قادره اتأقلم على طبع جوزى المتدين والوقور زياده عن اللازم فحسيت انى محتاجه اتكلم مع حد فكلمته واستغل مشاكلى مع جوزى ومعرفته بكل اسرارنا عن طريق امى وطلب يقابلنى فى الشقه علشان محدش يشوفنا وكنت غضبانه وخلاص حاسسه انى هطلق ولا معايا عيل ولا حامل فخلاص هطلق وهرجعله تانى ولما حاول يعمل الحرام معايا رفضت لانى مش عايزه اعمل كده انا عايزه شخص يحسسنى انى لسه مراهقه ويفضل يقولى كلام حلو ونخرج ونتفسح زى زمان واول لما رجعت لجوزى غصب عن امى وقطعت علاقتى بيها لمده ٦ شهور وكمان قطعت اى علاقه بيه علشان هى كانت ١٥ يوم بس . كنت حاسسه انى غلطانه فى حق نفسى وجوزى بس مخفتش من ربنا ولا كنت بفكر انى عملت ذنب انى كلمت وقابلت راجل وانا متجوزه.  وقعدت ٤ سنين محافظه على نفسى ومعملتش اى حاجه حرام ولا غلط بس كان كل  فتره احس انى كان ليا حاجه احسن بسبب انى مش مقتنعه ان جوزى ليه زوجه تانيه وبيعمل معاها كل حاجه وضغط امى كل شويه تكلمنى عنه وعن وضعه دلوقتى وحالته الماديه ولسه متجوزش وتورينى صوره مع مشاكلى مع جوزى وضربه ليا مع العلم انى كل مره انا إللى غلطانه وبيحاول معايا كثير قبل ما يضربنى.  كل ده خلانى اكلمه بترحيب امى وانا غضبانه وخلانى اقابله وهى عارفه وكل كلامها اتطلقى احسن وخدى الواد وهتبقى احسن ومع كلامه المعسول وضحك عليا واحده واحده لحد ما عمل كده معايا وانا والله ما حسيت بيه كان كل اللى بالى هو ادانى حاجه محتاجاها وانا اديته اللى هو عايزه وكمان ده بيحبنى بقاله سنين وكل ده مش عارف يحب واحده تانيه فكنت سايبه نفسى كأنى مغيبه وكل ما اتعب واقول انا ايه إللى انا فيه ده الشيطان ميسبنيش ويقولى ما هو عايش مع مراته كويس اشمعنا انا وامى تفضل تسخنى على جوزى والشخص ده يفضل يقولى انت راضيه ليه انتى ليكى حد احسن منه بكثير انا عمرى ما كنت هعمل معاكى كده .فرجع تانى واكلمه واقابله ويحصل كده بنفس الصوره إللى مفيهاش اى احساس غير انى بدفع ثمن إللى بيدهولى من كلام حلو كنت محتاجاه وخلاص يأست وقولت انا كده كده هطلق وبقيت خاينه مفيش أكثر من كده فسبت نفسى خالص . لحد ما جوزى عرف وحاولت اخبى عليه وفى الاخر قولتله كل حاجه وبعد ما عرفته تعبت جامد وحاسيت بالذنب وبحاول اتوب لله قبل اى حاجه ونفسى اكمل معاه لانى بحبه وكنت غلط وبعدى عن ربنا وكذبى هو سبب كل ده . ومليش حد هيخلى باله منى ويساعدنى انى أتوب وابقى انسانه كويسه ومحترمه واقدر اربى ابنى واحافظ عليه غير جوزى ربنا يصبر قلبه ويسامحنى.  وفى الاخر انا إللى غلطانه مش الأسباب إللى قولتها وانا متحمله المسئوليه أيا كانت . ارجو منكم الدعاء 

خليها على ذمتك لانك تعودت انت على خيانتها متعوده دااااااايناً

هل الزوجة هي من كتبت الرد الذي في التعليقات.. ام الزوج!!! 

انضم الى الريد بيل صديقي وستفهم كل شيء

مهما كان الخيانه الزوجيه لا تغفر اذا تكررت مثل هذه الطلاق الحل الوحيد بدون تفكير او استشاره انت مسلم وهذه ارتكبت جريمه اكثر من مره الطلاق وعيش بكرامتك وشرفك افضل 

طلقها هذه المراة من النوع اللواتي لن يتبن مهما فعلت معهن و لا تصدقهن 

اتعجب من تسامحك اكثر من تعجبي من خيانتها.هل يوجد في قاموسك شيء اسمه دين .و رجولة و كرامة 

لها حق تخونك هي عارفه انها ممكن تفضل مستغفلاك .. ببساطه سؤالك في حد ذاته دليل علي انك مستعد تقبل الخيانه

اللي يخون مره يخون الف مرة 

يبدو انك ساذج و قليل الغيره على نفسك فهل من الممكن ان تضحك عليك بهذه الكلمات ماذا تنتظر للطلاق هذا المساله لا تحتمل النقاش اصلا 

سبحان الله لماذا هذه العداوة اتجاه المرأة.هذه المرأة نعم أخطأت خطأ لايغتفر لكنها اعترفت في ردها الذي جاء بعد السؤال ان زوجها اذا تركها ستضيع وسيكون الزوج هو السبب في ضياعها هي تحتمي بك لتتوب وترجع الى الله وتمدحك وتثني عليك فلاتخيب ظنها ولا تكن سببا في ضياعها وابعدها عن امها وعن جو الفساد والرذيلة الذي تعيشه فأنت لها طوق نجاة اعطف عليها وكن لها زوجا واب وسترى منها العجب ان اعادت الكرةة مرة أخرى فلك الحرية في تطليقها

  طلقها فورا 

لا يلدغ المؤمن من جحر مرتين .. طلقها بلا رجعة لو علم الله فيها خيرا فى توبتها ما رجعت لصديقها مرتين .. اخلص منها والا ستجلب لك العار فمثل هؤلاء النسوة اعتدن على الخيانه والتى تخون مرة تخون الف مرة

لو حضرتك عاطيها الحب و العطف صدقني لا أمها ولا كل أمة محمد يقدروا يقنعوها بالخيانة , و المرأة تحتاج للعاطفة حتى آخر نفس في عمرها حتى لو صار عمرها 90 سنة تحتاج للحب , أصلح من نفسك و معاملتك معها , احتويها كطفلة و ستدهشك بعطائها و حبها واخلاصها

خانتك ثلاث مرات ولا زلت تستشير فيها لا تعليق 

إذا عندك ذرة من كرامة وحمية الرجال طلقها لأنها خائنة مع تكرارها والاستمتاع بها ...الخيانة لا تبرر ولا تستساغ وأتعجب واستغرب منك كيف تقبل بمن باعت جسدها لغير زوجها وبعدها ستكون الخيانة سهلة عليها  

خانتك ٣ مرات وهي على ذمتك وخايفة تكون سيءة الخلق

لا ترد ع حدا طلقها و خد ابنك منها بعد ما تتأكد  انه هو ابنك اصلا لانها كررت الخيانة اكتر من مرة  ولو بدها توب بتوب  عشان ربنا مو عشانك ومن اول مرة مش خيانات متكررة وواضح انك متساهل معها وساذج  وهي لا تشعر انك رجل لهيك بتكرر الخيانة لانها ضامنة تضحك عليك بكلمتين ودمعة بس عندي سؤال هل لو كانت زوجتك الاولى خاينة رح تسامحها وتخليها ع ذمتك زي ما بتعمل مع الثانية ؟؟؟؟؟؟طيب ليش زوجتك الاولى ما خانتك ع الرغم من وجود زوجة أخرى الك ؟؟؟؟؟؟؟؟ غالبا انت ظلمت الاولى وهاي خطيتها  

لا حول ولا قوة الا بالله فين السؤال مش عارفه بصراحه ازاي تقدر تعيش معاها بعد ماعرفت انها قعدت ونامت مع حد اكتر م ٥ شهور يعني مش مرة وتابت ورجعت الي الله لا دة تكرار و ٣ مرات وكل مرة تقعد كذا شهر الله يعافينا ويعينك