أخبرت زوجتي بصراحة اني على علاقة بغيرها

السلام عليكم أنانا شاب عندي 33 سنه متزوج من 4 سنوات المشكله مش مبسوط ولا سعيد في حياتي انا عايش ومش عايش ما فيش مشاعر فيه جفاء وفتور ممكن ده لأن من الأول اصلا احنا كنا مخطوبين حوالي 6 أشهر في الشهر الأخير يعني قبل الفرح بحوالي شهر صارحتها بعدم حبي ليها وعدم إعجابي بستايل جسمها واحنا لازم نسيب بعض احسن من دلوقتي المهم الاهل ضغطوا علينا وقالو لازم تكملو كلام الناس ومركزنا الاجتماعي المهم تم الزواج وبعده بأسبوع صارحتها وقولتلها مش حاسس ناحيتك بجاذبيه دي الحقيقه حتي لك ان تتخيل أثناء المعاشرة الزوجية عمري ما قولتلها بحبك علشان مش حاسس بيها هيا اصلا كانت علي فترات متباعدة أقصد المعاشرة الزوجية كمان هيا بتبقي في اوده وانا في اوده وبقيت مركز في الشغل وسايبها عايشه وخلاص تربي الأولاد واعتبرت البيت لوكانده لحد ما قابلتها واتعرفت عليها بصراحه أعجبت بيها وعشقتها بجد المشكله تكمن فيا انا قولت لزوجتي بصراحه انا بحب واحده تانيه وانتي اللي خلتيني ادور علي حد تاني مع العلم أنها مش الستايل اللي بدور عليه لكن مش شرط حوار الاستايل انا ارتاحتلها نفسيا المشكله موضوعي مع زوجتي واقف على الطلاق اللي انا اصريت عليه علشان انا لم أحس معها بالرومانسيه والحب مع العلم أنها محترمه ومتدينه هما مستنيين يشوفوا اعمل ايه هل أقبل بالصلح واروحلها عند أهلها مع وسيط الخير اللي بيحاول يصلح بينا ولا أكمل في إجراءات الطلاق علشان ما فيش حب وتفاهم بينا واروح للبنت اللي حبتها وعشت معاها أجمل قصة حب واتوجها بالزواج بس ارجع وأقول خايف أكون ظلمت زوجتي واولادي اللي بعشقهم لكن برضو اللي اتعرفت عليها بحبها لدرجه ممكن أقولها أي حاجه واكلم معاها بدون كسوف أو احراج لكن زوجتي تحس احنا مش واخدين علي بعض وفيه احراج وكسوف بمعني مش متعود عليها وكلامي قليل معاها تماما وهيا كمان كلامها قليل عكس اللي بحبها ممكن اكلم معاها ما ازهقش ابدا أحب أخرج معاها واسمع صوتها مش عارف اعمل ايه كمان فيه مشكله تانيه أهلي قالولي لو طلقتها احنا مش موافقين علي اللي انتا حبتها ومش جايين معاك لأهلها وصارت مشاكل بيني وبينهم وقولتلهم مش اختار إلا اللي انا وعاوزها وكفاية اللي حصل