ماضي زوجي و مستقبله

زوجي قبل مطلق وكنت اسمع انه كان يشرب بس ماطول وانه مادري كيف اشرحها لكم مش قوي جنسياً ولا ينجب وماصدقنا لان فيه ناس ثقه انكرو ولما تزوجته اول شي مكان يقعد بالبيت البدايه ازعل بعدين قالت لي وحده لا تزعلي تنفرينه منك لسى مابينكم علاقه اذا جاء تعدلي له ودايم قوليله كلام حلو وودعيه اذا طلع وشاركيه احب الاشياء له الي هو صيد سويت مثل ماقالت وصرت اكلمه عن الصيد واهتم في اهتماماته صار الرجال يجلس معي ومايسهر كثير فرحت بعد فتره صرت اشوفه يطلع برى ويكلم وبالليل يتضايق ويفز من نومه قلت سألته قال متهاوش مع عيال عمه شكيت صرت افتح جواله بدون علمه لقيت ولد عمه يرسل له صور حبوب ويقول لا تعلم احد وواحد من اصدقائه يرسل مقاطع جنسيه سكت الطامه انو لقيت بعدها حرمه كبيره بالعمر ترسل مقاطع وتقول ابي فلوس ماعد تهتم فيني وانت خنتني وانا بخونك وانت كنت تسكر واطلع معك والحين بكسر جوالك الي جبته لي وزوجي تركني لانه كشف علاقتي فيك وانت سحبت علي تقول انا متزوج ودق عليك تصرفني وارسل عليك تطنش واجهته بالموضوع وضليت طول اليوم ابكي وانقشه اول شي انكر ثمن قال انا هزئتهاوطردها بالليل وقلت خلاص انا تزوجت عشان كذا ارسلت المقاطع لي سنه تاركها قلت انا لاقيه قبل اسبوع من المقاطع انت مرسل لها مقطع شيله ولي يومين اي شي يبيه اعطيه اياه وقايمه فيه بس ماضحك ولا امزح حاول يطلعني وطلعت معه بس اكلمه ببرود كل طلباته مجابه لكن. ببرود والي ضايقني انه يسحب ع الصلاه مره مايصلي ومره يجمعهن وهكذا غير انو احسه غير عن الرجال خبري هم الي يزعجون الحريم بالحمل هو نهائياً حتى اذا نام معي يفضل اعذروني ع الجرائه لكن عندي مخاوفي يفضل ينزل برى ان شاء الله تفهمون وانا اول مره اتزوج ماعرف رجال او ماهو ساعدوني تكفون بعيداً عن الطلاق انا فكرت مارضى الا اذا استمر ع الصلاه بالمسجد ويكون هذا شرطي وهو اول ماوجهته قلت بروح اهلي قال استهدي بالله ولا تفضحينا واضح انه خايف يطلق ثاني مره ويبتلش واخته تسولف معي وهي صريحه بزود ومايهمها شي تقولي دايم يمدحك عندنا وحتى سمعته يمدح عند عيال عمه فيني تكفووووووون الحل بكل عقلانيه انا حتى اهلي مادرو للحين