أصرف عليه وتكفلت بعلاجه ومع ذلك يقول..

سلام عليكم. .تزوجنا انا وزوجي بشكل تقليدي مستقرين من4 سنوات عندنا ولد....المشكله انه بارد من ناحيتي ماينطيني كلمه حلوه ابدا يعني بس اذا سافر بعيد يكول مشتاق. ..من سنه خاني عالنت ووصل إلى مرحله ماتوقعتها. ..وغضبت منه بالمقابل كاللي منو كلج تفتحين موبايلي ومااعتذر ولا احتواني بس كال لاتكولين لاهلج. ...وماكلت لأي واحد أحس نفسي تعيسه وياه مايقدرني انا شكلي مو جدا جميل يعني شوي هزيله بس بكامل صحتي مرات يشوف صور يكول هذي حلوه وهذي أتمنى اتزوجها ويستفزني وبردت مشاعري تجاه بالرغم انه قبل 3 شهور دفعت مصاريف عمليته الجراحيه أغلبها وبعدين خليته يسافر على حسابي بس علمود يرجع يشتاقلي ويقدر بس يمشي الوقت وهو لامبالي وطلبت منه بدايه زواجي طلبت يكون بديل أهلي وصديقي لأن بيتنا بعيد عن أهلي وازورهم مره أو مرتين بالسنة حتى هالعيدين الفاتو مازرتهم هم اجولي وزاروني ولما اكله أخذني وطبعا على حسابي االسفر اجرتنه كلنا هو يكلي ليش تريدين تروحين وابدي اصرخ واكله ماتحس. .حاليا انا اشتغل واصرف وهو كاعد بطال بسبب العمليه. .وفتحت معه نقاش يبحث عن اي شغل بدون مااخذ مصرف من عنده بس يطلع يرتاح بس زعل وكال لو في شغل جان طلعت مأبقى كاعد. ...والفترة الاخيره بديت أشاهد مسلسلات بيها تعبير عن الحب ومشاهد النظرات قصدي يعني أي شي بيه مشاعر وحزن وفرح بس اهرب من واقعي ...وهو يكولي انت ماتسويلي واهس يعني ماتقتربين مني مع أنه لما أجي مرات واحجيله شي حلو أو الزمه يكلي شتردين اكو شي مع أنه ماعنده شي اطلبه فاكله لا وادور وجهي واتنرفز. ..وبعدين يكول بارده. ..اكيد بارده خايني وكلام مااسمع من عنده ومايخلي أبد عينه بعيني ومايحجي. ...ومايحاول يتقرب بس بالليل يعتبر بس العلاقه هو الارتباط الرومنسي بيننه. ....آه افيدونه