أعلم أن كلامي معه خطأ لكنني أشفق عليه

السلام عليكم انا متزوجة من 7سنين وعندى 3 ولاد وبحب جوزى جدا وهو بيحبينى اوى ومن حوالى شهر ونص اشتركت فى جروب عن طريق النت وهناك اتعرفت على واحد هو كان مريض وعندة عملية فى القلب كنت بطمن علية كاخ وصديق وبعد كدة عرفت انة طلق مراتة عشان زى ما هو بيقول حبت صديق عمرة وقالتلة طلقنى احسن عشان مش اخونك وحكالى الوضع وبعد كدة اكتشفت انة بيحبنى وعلى العلم انى مش بحبة بس هو بيصعب علية وهو طلب منى انة يحس بحبى لية وانا قولتلة مينفعش خالص انا بحب جوزى وطلب منى انى بس اقولة بحبك حتى لو انا مش بحبة وفعلا قولتلة بس انا عمرى ماحسيت بحب العاطفة تجاة كل الحكاية انة بيصعب علية ومش عارفة كل لما اعملة حظر برجع الغى الحظر واطمن علية وهو بيقولى انة عايش فى الدنيا على حبة ليا وان الحب دة هو اللى خلاة متفائل ويحب الحياة بعد ما كره كل الدنيا وما فيها على العلم ان طليقتة حاولت ترجع وانا قولتلة اسمع منها وسامحها عشان بنتك بس رافض وبعد كدة حكى ليا المعناة اللى عاشها بسبب مراتة وبعد كدة طلب حبى لية رديت علية وقولت عمرى ما هخلى جوزى يعيش المعناة اللى انت عشتها مع مراتك لانى بحب جوزى وهو عمرة ما ظلمنى ولا رفض لية طلب واستحالة انى اخونة مع انى عارفة ان مجرد كلامى معاة غلط وحرام بس انا خايفة لو بعدت عنة حالتة تسوء او يعمل حاجة فى نفسة ومش قادرة استمر انى اخون جوزى لانة ميستاهلش منى كدة ارجوكم افيدونى واسفة على الاطالة