كيف أفسد زواج زوجي؟

السلام عليكم انا صاحبه مشكله اطرحتها منذ حوالي يوم و الان اطرح تطوراتها و احتا رايكم بسرعه زوجى تعرف علي واحده و يريد الزواج منها و بلغنى بهذا الموضوع فاتحني امس انه يريد الزواج باخرى و مصمم علي هذا الراي فهل يعقل انه لا يصرف علي اولاده و يريد ان يتزوج من اخري و السبب قال ايه عاوز عيال هل يا ناس من الطبيعى اننى اصرف علي ثلاثه اطفال و ايجار و كهرباء و ميه و غاز و كل شيء و هو زي قلته المهم انا مش هاممنى الموضوع بس صعبانه عليا نفسي قوي انى من 15 سنه و انا شايله البيت كله و انت عاوز تتجوز اللي تاعب نفسيتى نظره سلايفي ليا و اخوات زوجي و علي فكره سلايفي ستات بيوت و اخوات زوجي الذكور شايلين مسئوليه بيوتهم كامله انا حظى وحش مع انسان سليط اللسان و هل دهيبقي راجل عاوز امراه تصرف عليه امس انا بذكاء السيدات عرفت مين الست و عرفت ارقام تليفوناتها هل رايكم اتصل بيها و ابهدلها في التليفون ام اترك الموضوع و ممكن يكون نزوه عابره و علي بكره انا متاكده ان زوجي عملها من البحر طحينه بمعنى انا عندى فلوس و ارض الخ الخ و هى طبعا كذلك لانه بالعقل كان من المفروض اولا يصرف علي بييته و اولاده و هي كذلك تصرف علي اولادها و هي موظفه الشيء الاخر اقسم بالله العظيم زوجي لو تزوج الانسانه دي سوف يلبس في الحيطه بمعنى اني اي سيده بتحاول تستنزف الرجل بمعنى هل حتصرف عليه دلونى ما افعل اتصل بيها طبعا حاتقوله و حيعمل مشكله و يقولي جبتى الارقام دى منين و هى حتتمسك به اكتر ام اترك الموضوع و اريح بالي و اللي خدته القرعه ايه رايكم دلونى انا نفسيتى تعبانه خالص و اسفه ع الاطاله و اخر شيء بعد اذنكم كيف امنعه منها نهائيا يعنى اجعله ينساها و يكرهها تمام و جزاكم الله خيرا