شكي بزوجي والخادمه كان بمكانه(2)

انا اللي انطرحت مشكلتي تحت عنوان( شكي بزوجي والخادمه كان بمكانه) انا استغرب من الناس اللي هاجموني وحطوا الخطأ علي واللي يقول اني مهمله زوجي واللي يقول اني اطلع مع السواق وووو انتو عشتوا معي او تعرفوا ظروفي ؟احنا العرب مهما كانت المراة مظلومه نقف بجانب الرجل ما جبت الشغاله ولا السواق وانا فاضيه كذا يعني زوجي هذا تزوجته حافي منتف انا اللي خليته يصير ادمي بنيت له البيت حطيت له اسم وكان نكره وضفته بشغل محترم وراتب ممتاز واشتريت له سياره حطيته مدير على اعمالي بالاسم فقط وانا اللي اخطط واشتغل واتعب واجتهد وهو بس بالاسم والشكل مدير وهو كسول مايحب يشغل عقله ولا مخه واللي يقول اني مقصره ماني مقصره بشهادته هو مهتمه بنفسي واشياءه الخاصه انا اللي اقوم فيها مو الشغاله انا اطلع اسهر مع صديقاتي مره بالاسبوع فقط عشان اكسر الروتين والروح تحتاج تغيير واللي يقول ليش تاخذي سواق طيب وين المشكله اذا باخذ سواق اقضي مشاغلي ومشاغل عيالي وبيتي اذا ماتعرفوا ظروف الناس لا تقسوا عليها وتقذفوها (ما يلفظ من قول الا لديه رقيب عتيد)انا ما استحقر الخدامه ولا اشوف نفسي بالعكس كنت اعاملها احسن معامله واعطيها راتبها ضعف انا استحقر الرجل اللي كسرني بعد ماجبرته واستغفلني بعد ماكنت اثق فيه واتعب على شان راحته ولا مره رفضت له طلب حتى عياله الين الحين يفكروه اهو صاحب المال والعمل يفكروه هو اللي اشترى لهم البيت ووو هذا لاني كنت احطه الكل في الكل ومقدرته وابيه مثل يقتدي به عياله ويرفعون راسهم هو الملك وفوق راسي وهو اللي كلمته مسموعه ولابمره شفت نفسي عليه او استنقصته لكن للاسف .... !!