كيف أستعيد ثقتي بزوجي بعدما كشفت سره؟

انا عمري ٢٩ سنه بعد زواجي بأسبوعين اكتشفت ان زوجي له علاقة ببنات اجنبيات و بعضهم كان يواعدهم لغرض المتعه و النوم معهم قبل فترة بسيطه من زواجنا ، لما واجهته اعتذر و بكى كثير عشان اسامحه و قال اعاهد الله و اعاهدك معد اغلط هالغلطة ، من يومها هجرته شهر لاني تقززت منه لكني اكتشفت اني حامل و رجعت له والان صار لي٧ شهور و كل يوم ابكي ألم من فعلته و ما اقدر اثق فيه لان في اعتقادي انه مستحيل يكتفي بي لوحدي والا كان اكتفى من قبل الزواج و استعد للحياة معي لحالي انا و حتى جنيني احيان تمر عليا ايام اكرهه و احس اني حامل في نجاسه لاني عرفت انه نام مع قذرات قبل الزواج و مو قادرة انسى ابدا بالرغم من انه ما يقصر معي و معطيني كل شي اتمناه و اهتمام و يحاول قد مايقدر اني انسى و يتضايق ضعف ضيقتي اذا شافني منهارة بكاء من اي ذكرى تذكرني في الموقف ، اعطيته فرصه وحدة لو كرر فعلته ابطلب الطلاق او اخلعه و صرت احس حياتي معه مؤقته لان الثقه فيه انعدمتتت ، سوالي : كيف ارجع اثق فيه ؟ كيف ارجع احبه بقلب طاهر ؟ كيف اعيش جو الحياة الزوجية و استعد لاستقبال مولود و اهيء له بيت كله حب و راحة و انا نفسي مو مرتاحة :( لا حول ولاقوة الا بالله.