هل أنهي علاقتي به أم أنتظر وعوده ماذا أفعل؟

السلام عليكم.أناسيدة متزوجة ابلغ من العمر 42سنة .عندي بنتين.وولدين....بالمختصر مرّت حياتي الزوجية بمراحل صعبه ...أول مرحلة معانات مع اهل زوجي دامت تسع سنين وأنا صابره لأنو مقتنعة أنها مرحلة وراح تنتهي وكل شي بيهون عشان طفلي وزوجي ....بعد تغير ملحوض بأخلاق زوجي ومعاملتو القاسية التي وصلت للضرب المبرح سببو طبعا الخيانة الزوجية (عندو عشيقة).حطيت حد لهذا الوضع وخرجت من البيت ورحت عند اهلي ....بعد قصه طويلة من مفاوضات اهلي واهلو رجعنا لبعض وسكنت بيت لأبي كان فاضي وسكن زوجي معي لاكن كانت ايام صعبه وقلبي كان مكسور من الصدمة انو زوجي بيخوني ...اتحملت وخليت الايام تداوي قلبي ...كلو من شان ولادي ..وكمان حاولت أصلح من حالي وصارحتو ...قلتو اذا فيني عيب ...احكيلي وراح اغير شو ما بدك المهم ترضا عني ....ههههه ....كنت هبله ....هو طبعا قالي كانت غلطه وانتي مو ناقصك شي وبدي ياكي بحياتي .....وحاولت اكمل المشوار واراضيه وأراضي أهلو كمان ...بعزمهم وأكرمهم حتى أمسح كل أثر الخلافات التافهة والحمد لله اتعالج الوضع معهم ......لاكن زوجي دائما منصرف بحياتو الخاصه ...ما انكر أنو بيصرف وما بينقصني شي ..لاكن ما بعرف عنو أي شي ما بيحكيلي وما يقعد معي....علما انو فترة الخطوبة كانت قصيرة جدا وما لحقت اعرفو....وبيوم من الايام واحنا بثالث ايام العيد المبارك دخلو الشرطه علينا وانا مع ولادي ....وفتشو البيت واخذوه هيك ......من صدمتي ما حسيت ع حالي الا وانا بالمشفى .....شهر حتى قدرت توقف أصلب طولي ....فهمت انو اطورط بسرقة المشغل الي كان يشتغل فيه ......بعثلي رساله بيحلف انو مظلوم ...وبعثلي اصدقا ؤو واهلو يقنعوني انومظلوم ...انا جمعت قوتي ورحت ازورو وقررت أصدقو وأوقف جنبو ...اتحكم عليه سنه ونص وانا صابرا معو واشتغل خياطه من شان ولادي واهلي بيساعدوني ....ويبعثلي رسائل فيها كلام حب عمري ما سمعتو وكاني عشت أحلا ايام عمري بهالسنة ونص مهما انو وضعي المادي كان صعب ..وحتى ولادي قلتلهم انو ابوكم مسافر بدبي يشتغل وما حسستهم انو بالحجز ...وكابرت معهم وعوضتهم ال نقص وحتى اهلو ما قطعت صلتي بيهم .مرت الايام وخرج من السجن مهدود الحيل نسيت الماضي وقررت اساعدو بمحنتو حتى يوقف من جديد .....اشترالو ابوه سيارة يشتغل بيها ... شوي شوي رجع احسن ....قرر يشتغل بالليل بالسيارة .....وهنا صارت المشكلة اكبر ....اهمال فظيع لالي والاولاد ....والي دمرني أنو سرق ذهباتي وأنكر ....وشفت منو وش ثاني ...عملتلو خلع لانو طلقني في ساعة غضب ولاكن قبل إصدار الحكم عمل المستحيل عشان يرجع ....بيحلف بالتوبه وانو راح يبطل شغل اليل و. و و.....كذب يكذب .....لاكن اكتشفت كذبو بعد الي رجعت ...وطبعا اقسم بالله رجعت من شان ولادي مو حب.قضية الخلع متوقفا مؤقتا .......وانا حائرة بهذا الامر .....هل أنهي العلاقة ولا أنتظر وعودو .هل أصبر وأنتظر ...ماذا أفعل ؟الحب راح .....والثقة راحت ...ومو فاضلي غير ولادي حبايبي ....علما انا رفضت عروض الزواج بعد طلاقي ...