خلاف بسيط كانت نتيجته الخيانة

السلام عليكم ورحمة الله انى مش قادره اكمل حياتى بعدما اكتشفت ان زوجى تكلم مع بنات عالفيس فى يوم من الايام وكنا فى خلاف مع بعض فى الوقت ده ولجأ ليهم عشان ينتقم منى او تسليه الله اعلم المشكله انى خلافى معاه كان تافه مش لدرجة انه يخونى وبعد ما شفت تفاصيل المحادثه انصدمت وانهرت وصرخت بقيت فى حزن داءم مر سنه على اكتشافى بقيت بشك فيه بطريقه مرضيه وابكى من غير سبب ومش عارفه اضحك كل خلاف يحصل بينا افتكر خيانته وأنسى المشكله وابقى عايزه اسيبه وأطلق حاسه كانى بدمر نفسى وبيتى هو نفسه نسى إللى عمله لكن انا مش عارفه اعيش طبيعى بقيت بتنرفز على اولادى جدا رحت لدكتور نفسى كتبلى على دوا للاكتئاب بس مشكلتي انى عندى بيبى 9 شهور اعمل ايه انا تعبانه الدنيا ديه انا بكرهها مليانه ناس خاينه وكدابه ومنافقه ليه اتعامل بمثاليه مع ناس مش تستاهل الا الكدب والخيانه اولادى صغيرين ومش عارفه اكمل حياتى فى هدوء والدوا مش ينفع اخده اعمل ايه دلونى ارجوكم