هذه المطلقة سرقت زوجي وتهددني بخطف ابني مني

انا متزوجه من سنتين ونص وعندى طفل جواز صالونات بس حبيت زوجى جدا لدرجة انى بتمنى ارجع اصلح كل شئ غلط عملته فى الخطوبه انا اتربيت فى بيت يعرف الصح من الغلط والحلال والحرام فكانت فترة خطوبتى ناشفه جدا بنتكلم الكلام العادى لحد ما كتبنا الكتاب وطبعا بعدها طبعا اسلوبى بدا يتغير وكلامى لانه خلاص جوزى مشكلتى تيجى بعد الجواز بفترة لقيت رساله على تليفون زوجى ان واحدة بتحاول تكلمه وهو مش بيرد عليها وكان الرقم ده شوفتها كتير بيرن عليه وخصوصا اوقات متاخرة جدا بالليل اخدت الرقم واتصلت لقيتها واحدة وبتقولى انها متجوزة جوزى من قبلى طبعا اتجننت ولما واجهته انكر وقالى كدب ووصل الكلام انه رمى عليا يمين طلاق عرفت ولدته ووالده المشكله وطلبت منهم حل ولما وجهوه انكر وقال ان دى واحدة مطلقه وكانت عايزة يتجوزها ولما لقيته اتجوز حابه توقع الدنيا مرت الايام وزوجى كان بيغيب بره كتير بالاسبوع ولما اساله يقولى شغل وطبعا بيبقى تليفونه مقفول ودى حاجة كنت بدات اتعود عليها من الخطوبه والكل كان بيقولى غلط انه يسيبك كدة وانتى متعرفيش حاجة عنه ولا يعرف حاجة عن ابنه وعنك وطبعا كنت برمى كلامهم وبصدقه وكان بتجيلى مسدجات انه متجوز عليا وانه هيطلقنى وكانت الست دى بتكلمنى على تليفون بيتى وتقولى انا الاولانيه وكانت بتشتمنى باقذر الالفاظ وانا مكنتش بعرف ارد فكنت بقفل ولما اقوله يقوله تانى ويشيل التليفون وحلف انه ما هيشتغل لحد نص رمضان اللى فات لقيت رقمها بيرن عليه ولما بساله قالى بتحاول تكلمنى وانا مطنشها صدقته بعدها بيوم بالضبط لقيت تليفونه مفتوح لانه قافله بباسورد فتحته واكتشفت محادثه بينهم على الواتس من فتره طويله انه بيقابلها وبيروحلها بيتها ومصوره نفسها وبعتاله الصور وكلام انا صدمت لما شفته لانه حلفلى انه مش بيكلهما ولز شافها مش هيعرفها روحت لوالدته ووالده وحكيتلهم اتخانقوه معاه وطردوه من البيت لحد يوم الوقفه اتصل بيا الفتره دى مرة واحدة وانا مردتش حاول يكلم مامته وتقوله احنا مش عارفين نورى وشنا لمراتك ازاى هى بنت ناس وانت مبهدلها معاك من ساعه مااتجوزت لا الحال بتاع اى متجوزين الظروف الماديه تبقى وحشه وكنت مستحمله ده طبيعى رجع يوم الوقفه وحاول يتاسفلى ويقولى ده شيطان وانا مشيت وراه انتى وابنى حل حياتى اسف وندمان وحسيت فعلا انه ندم والموضوع انتهى وقولت الحمدلله ازمه وعدت لحد من يومين بشغل تليفون البيت تانى لقيتها بتكلمنى بصراحة قلتلها انتى بنى ادمه واطيه انك لسه بتتصلى ببيتى تانى طبعا سمعت الفاظ مقدرتش اكملها فقفلت كلمتنى تانى قلتلها جوزى رجعلى وده المهم وانتى الحرام مش بيدوم ابدا ياريت تتلمى عننا وشوفى حد تانى غيره طبعا مسكتتش هدتنى قالتلى انا هخليه يعرفك انتى ايه وقوليله اللى اتفقنا علبه هعمله وابنك هاخده منك من ساعتها انا فى رعب لانى معرفش ممكن واحدة زى دى دماغها توصل لايه وخايفه يكون جوزى رجع يتكلم معاها تانى انا محتارة فعلا ياريت تفدونى اعمل ايه