تعبت من مطاردات هذه المرأة لثتبت نسب طفلها من زوجي!

السلام عليكم مشكلتي ياجماعه طويله شويه بس ياريت اعرف رأيكم ايه لاني تايهه،بدايتها من ثمانية سنين لما تزوجت وتركني زوجي في بيت اهله وهو سافر ورفض الاستقرار معه وانجبت بنتان وكان يأتي الي في الاجازات السنويه وكان اهله يعاملوني معامله سيئه وكنت اصبر وكانت طلبات حماتي كثيره من تنظيف وطبخ وحمايا يتحكم فيا وكانوا لايعطوني الحريه في الخروج فكانوا يغلقوا الابواب ومعاهم المفاتيح فكان الخروج والدخول باذن منهم فصبرت وكنت اسلي وقتي في عملي واولادي حتى زوجي لما كان ينزل اجازات كانت معامله صعبه وعملي وعصبي جدا ودائم الشتايم ويرجع يتاسف فانسى وبعد هذا كله اكتشفت ان زوجي على علاقات نسائيه وكان على علاقه بواحده وكانت تطارده لاثبات النسب فغضبت وكنت عاوزه انفصل لاني تعبت كثيرا ولكن اهله منعوني من الذهاب لاهلي وحاولوا يسيطروا على غضبي وفعلا فكرت في مصلحة بناتي وخوفت عليهم من الضياع فطلبت ان يتعدل ونستقر مع بعض وفعلا سافرت معاه ولكن المشكله هنا ان اعصابي تتوتر كثيرا لما البنت تطارده برسايل ولازم يعترف بالولد وهو يعمل ليها بلوك وتحاول تفضحه في العمل وافعال كثيره وتنشر صور للولد فنفسيتي بتتعب مش عارفه اعمل ايه المشكله هو مش متاكد ان هذا ولده لكثره علاقاتها وان الولد في بلدها ولا تريد الاتيان به هنا تريد فقط زوجي يذهب هناك غير ذللك لا فزوجي قفل الموضوع هذا وشك في امرها والمشكله الاخري الي اغضبتني اكثر بعد سنه غربه نزلت اجازه عشرين يوم اشوف اهلي واول ما نزلت روحت لاهل زوجي وجلست معاهم يومين وكانت معامله جافه جدا لدرجه انهم كانوا لا ينادوا ليا السحور وانام من غير اكل فذهبت فورا عند اهلي بعد يومين لكي اغير جو قبل ارجع للغربه وبعدها فوجئت زوجي يطلب مني الذهاب الي اهله والجلوس معاهم كام يوم وسمعت كلامه وعدت الاجازه ورجعت ولما جلست مع زوجي في ليله واخذنا في الحوار عرفت سبب طلب زوجي ليا للعوده لاهله ان ابوه اتصل بيه وقال ليه قصه طويله ان هو واقف امام المنزل اتى رجل يركن سيارته فتعرف على حمايا وكان يعرفني ويعرف اهلي وقال لحمايا ان والدي يشتكي للناس ان هو يصرف ويأكلني وان زوجي لا يهتم ولا يصرف وقال لزوجي هذا وان لازم يجبرني للجلوس معاهم علشان كلام الناس وطبعا انا متاكده ان والدي لا يقول هذا فالحمداالله اهلي مبسوطين جدا ولا في بالهم هذه الاشياء وكمان اني كنت مسافره وبعيده عنهم وانهم ما صدقوا شافوني مش عارف الدنيا اسودت قدامي وحاسه اني ادمرت وكل الي حواليا منافقين اهل زوجي ولا الاحداث والتوتر العصبي من الجو الي عايشاه مش عارفه اعمل ايه اسيب زوجي واطلق وابعد عن كل هذا ولا اعمل ايه ؟؟؟؟؟؟؟؟ساعدوني بالله عليكم