تائهة و حزينة على حياتي التي أفنيها مع زوجي الخائن

السلام عليكم لوسمحتم ياجماعه عاوزه ارائكم اعمل ايه انا فعلا نفسيتي مدمره جدا انا متزوجه من ٩سنين وعندي بنتين ربنا يخليهم ليا المهم اني اكتشفت ان زوجي كان يخوني وعلى علاقه ببنت اجنبيه وهي غادرت البلاد وهو طلب مني السماح على ان يتوب ويهتم بعيلته ولا يفكر باي احد فوافقت علشان خاطر بناتي لكن كنت اظن الموضوع سهل ولكن صعب جدا فعدى سنتين ولن البنت تبعت رسايل ليه هو اذا عمل بلوك تغير هاتفها لكي تصل ليه وتقوله ان هي تعرف ان هو مازال يحبها وان هو يكرهني ولكن لا يريد الطلاق لكي لا يدفع مبالغ وتقول انها عارفه ان هومضغوط بزواجي لكي تنجح استثماراته الخاصه وانها لا تنسي لما زوجي بكى ليها على ان هو يحبها ياجماعه انا تايهه مش عارفه انا كوبري ولا هو يحبني ولا انا بالنسبه ليه خادمه لبناته مش عارفه انا تايهه فعلا هو يعاملني عادي نتكلم في اي مواضيع واحل ليه اي مشاكل وان هو دايما يحتاج ليه في اي اراء يتخذها واساعده في عمل ليه ولكن من ناحيه المعاشره الزوجيه يمكن كل عشرة ايام مره انا اقول يمكن ضغط عمل ولكن بدات اشك ان هو لا يحبني علشان كده مايريدني مع العلم هو لا يخرج مكان الا العمل وطول اليوم معانا في البيت ولكن انا اصبحت تائهه فساعدوني يا اهل الخير