خيانة زوجي أدخلتني بدوامة الشك ولا أستطيع الخروج منها

يا سادة يا كرام مشكلتي كالتالي أنا تزوجت من ثلاث سنوات تقريبا و في اول سنه من الزواج أنا كمت عم كفي دراستي بالسنة الاخيرة من الجامعة في هاي السنة تزوجت و قلت يكمل دراستي و ربي بعيني زواج و بيت و شغل و دراسة .. الخ كنت كتير مضغوطة نفسية و معنويا و ماديا كمان المهم في هذه السنة اللي تزوجت فيها اكتشفت انه زوجي على علاقة مع وحدة عن طريق الفيس بوك و كان إحساسي يومها لا يوصف كونو زوجي تزوجني عن حب ولكن أنا تصرفت بحكمة و حاولت حل المشكلة وديا و بالكلام و بالموعظة و الترهيب و الترغيب و الحمد الله حليت المشكلة بدون تدخل اي احد لا من طرفي ولا من طرفه ، مرة سنة ونص بعد هذا الموضوع و الحمد الله كانت الأمور مَو سمن على عسل يعني يوم هيك و يوم هيك و طبعا أنا كل فترة بحاول أني انبه انه انتبه لأتوقع بنفس المشكلة الأولوية ولكن بطريقة زكية طبعا زوجي ذكي و بفهمني و بقولي انت بعدك بتشك فيي أنا ما بقدر أنكر انه أنا عم شك فيه ولكن الشي اللي انكسر بداخلي ما ممكن يرجع متل ما كان اول يعني الثقة نوعا ما انعدمت و ما عم بقدر أني أعيش متل العالم المهم من فترة حاولت افتح تلفونه و اذ باني اكتشف انه عم يحاول يحكي مع كذا بنت و الصراحة ما عارفة شو اعمل و صارت مشكلة انه مرة دخل على البيت و لثاني ماسكةالتلفون ولكن قلتلو أني أنا هلا فتحته و ما لحقت شوف شي و تأسفت و قلتله بعرف انه هذا التصرف غير صحيح و حقك علي برد علي بقولي إنتي عمرك ما رح تتغيري و الشك رح يبقى بقلبك طول عمرك و أنا واثق من نفسي و ما عم بعمل شي غلط و للعلم أني أنا شفت رسائل بينهم بدل على بداية علاقة و أنا الان في حيرة من امري و الصراحة لا عم بنام و لا عم برتاح من كتر التفكير في هذا الموضوع و بحاول اشغلً تفكيري باي شي ولكن لا أستطيع حتى أني لا اريد النظر اليه او التكلم معه او حتى النوم بجانبه فانجدوني بحل او بفكرة حتى أني اخرج من الذي أنا فيه !؟