اعاني من ادمان الحقائب والاحذية

انا من الاردن وعمري 24 عندي ادمان من نوع غريب ادمان شراء الكنادر والشناتي بصرف راتبي وباخد من اهلي عليهم عندي عندي خزانة خصوصي لالهم غير الي بوزعهم وبكونوا ما انلبسوا الامرتين او 3 ، المشكلة هلاء انا خاطبه وعرسي بعد فترة خطيبي حالته وسط وعم يلاحظ هالحالة عندي وطلب مني اخففها بس انا ما بقدر لدرجة اني فكرت افسخ خطبتي لاني عارفه اني ما حقدر ابطلها ... رحت لدكتور نفسي زيارتين وبعدين بطلت هالحالة عاملتلي هوس وخايفه اخس خطيبي مشانها والدكتور ما فادني وما بقدر يكون معي اي مبلغ منيح وما اشتري كندره جديدة او شنته ،يمكن المشكلة بالنسبة الكم مضحكة ومش منطقية ... بس متعبة بالنسبة الي وبلشت تاثر سلبي على حياتي ... حلوها لتساعدوني