أشعر أني أظلم إبني بسبب ديوني

بسم الله الرحمن الرحيمأنا مصرى إسمى ح.م.ح موظف عمرى ٥١ سنه عندى ولدين وبنت واحد مخلص دبلوم والتانى فى دبلوم والبنت تعليم عالى.. مشكلتيكنت عايز ابنى يسافر للخارج يساعدنى المهم اتعرفت على كان زميلى من ايام الدراسه قال انه شغال مع واحد فاتح مكتب سفريات وهيسفر ابنك ده كلامه المهم قلت له هياخد كام قال ٢٠٠٠٠ قلت ماشى شرفني بالبيت بعد صلاه المغرب وخد الجواز بتاعه قال حضر ٥٠٠٠ جنيه مع الجواز قلت ماشى ايجه بعد المغرب كنت قاعد أمام البيت ومعايه أربعه من جيرانى عايزين يسافرو قلت لهم قالوا ماشى بس احنا مش نعرف حد غيرك المهم ايجه وخد ٥ جوازت والعشرين الف المقدم ومشى وبعدأسبوعين اتصل عليه وقال التأشيره ايجت حضر الفلوس ايجه هو واحد بسياره وخد ،٧٥٠٠٠ وقال بكره هجيب الجوازات علشان يكشفو ويمشو عده يوم واثنين واسبوع والراجل اللى كان معاه خد الفلوس واختفى رحت عملت قرض من بنك القاهره ١٠٠٠٠٠ على المرتب واعطيت الناس فلوسها . وربنا كرم ابنى بعدها بحوالى سنه وسافر السعوديه ٢٠٠٠ ريال فى الشهر على ١٦ ساعه شغل من ٤صباحا حتى١٢ ظهرا ومن،٤ عصرا حتى ١٢ مساء فى مطعم الفلوس اللى بيشتغل بيها بيبعته ليه علشان الدين اللى عليه واخته مخطوبه وعايزه مطبخ بمبلغ كبير يعدى الدين اللى كان عليه. وانى عارف إن زميلى اتنصب عليه بس كان هو الملزوم بالفلوس وهو مش معاه أنا آسف على الاطاله لكن انى لقيت حد اتكلم معاه وأساله زوجتى بتقول إشتكيه فى للمحكمه وأنى عارف أنه اتنصب عليه هو كمان .سؤالى هل أشتكيه هيدخل السجن هو مش معاه اعمل ايه.. السؤال الثاني فلوس ابنى اللى متعذب بره فى الغربه حرام عليه إنى بسد بها الدين وجهاز أخته اللى تزوجت وجهازها كله قسط عليه وهو فى السعودية اكله كله بسكوت وجبن علشان يرسل ليه المبلغ كامل. أرجو الافاده ولكم جزيل الشكر والعرفان