هل يعقل أن يأخذ والدي مصروفي ويحرمني من حقوقي؟

السلام عليكم ، انا طالبه جامعيه سنه٤ وباقيلي سنه ع التخرج ( بسبب تعثري بتحضيري) والدي متقاعد من سنتين ومرض بألتهاب رئوي دخل المستشفى قرابة شهر وطلع واستمر ع مواعيد مع انه الدكتور نبه انو الكرتزون خطير اذا تعدى الفتره المحدده وفعلا تعداها وكمل سنتين ومنتظرين الفرج من الله عشان يتعالج بمستشفى متخصص خاص او حكومي ، مشكلتي هي ان من بعد ماتقاعد وهو متغير " كنت متفهمه انو شعور التقاعد وشعور المسؤوليه وشعور الضغط المادي " وظليت صابره واحاول اساعدك واكون جنبه " انا اكبر اخواني وخواتي" حاولت كثير اني اقنعه اتوظف عشان اساعد لو ب٢٠٠٠ لهم و١٠٠٠ لي تكفيني بمصاريف جامعتي ورفض حاولت اقنعه اني اكلم اهل الخير يساعدونا بتوفير علاج له او بوظيفه له ورفض ،فصرت اشتغل بالجامعه ع الساعه ٢٠ ريال عشان اساعد نفسي بمصاريفي من ملابس وكتب وملازم وشنط والخ وللاسف الجامعه سحبت علي وسكتت ، وخرب جوالي من سنه ونص وقلت مابضغط ع ابوي يشتريلي انا بجمع مكافأتي ال( 990) وفعلا جمعتها من شهرين مع العلم ان من تقاعد ابوي وهو ياخذها مني كل ماطفر لان مايصفى له من راتبه الا ( 3000) من قسط البيت اللي والله مافيه الا خمس مكيفات ومع ذلك تحملت حتى لو اني كنت محتاجتها اعطيه ولا أمن واطالب فيها لكن لماقررت اجمعها لان ( فعلا احتاج جوال اتواصل مع بنات جامعتي ودكاتري وعشان سؤالهم دايم المحرج وين جوالك عندك واتس ) وكل البيت عندهم احسن الاجهزه شارينها قبل يتقاعد ابوي ، وعطيت ابوي وامي خبر انو اعذروني مابقدر اعطيكم خلاص وجا قبل يومين اخوي قال ان ابوي يقول عطيني فلوس بشتري ايس كريم لاختي رديت لا ( قلت بخاطري مومعقوله عشان هالشي اعطيهم بطاقتي مومعقوله محد يفكر الا بنفسه ) وجاني المغرب معصب قال ليه ماتنصرف يعني وبنتي واتشحد منها وتمن علي قلت والله لامنيت ولاعمري رفضت الا هالمرا وانت عارف ليه حتى نفسي محتاجه اغراض وحارمتني بس عشان اوفر للجوال وصرخ علي وقال مافيه جوال الا لماتتزوجين تقعدين ع الكشاف وهاتيها بسرعه قلت حرام عليك انا حتى ملابس جديده للجامعه ماعندي ولاشنط جديده اخر مرا تقضيت من سنه ( تعبت من نظرات البنات واحراجهم لي ومع ذلك صابره عشاني مقدرتك ) وعطاني كف وعطيته وقلتله ترا حقتي من الجامعه مو منك ورجع عطاني كف وقال لاتقولين حقتي انتي تحتي( يقصد تحت ولاية امري) وقالي احنا نمر بأزمه قلت كم مرا جيتك وقلتلك بتوظف عشانك بأي شي مسائي لماارجع من الجامعه ورفضت وعطاني كف ، وبدا يسحب بفلوسي المشكله من شهر ٨ وانا اقوله لو تعطيني ١٠٠ كل شهر راضيه ابي ابدي اجمع اغراض للجامعه وكل مرا يأجل ولما جا زواج خوالي راح تسلف وشرالي واصر الا بفستان وافخم شي مع اني قلتله عندي فستان مالبسته الا مرا ورفض ( يعني انت تخاف من اقاربنا ومن احراجهم ولاتخاف ع شعور بنتك وككيف متحمله ) مفكره الحين مااخذ منه ولاريال مع اني محتاجه السوق بس ماابي اخذ منه شي فكرت اطلب من النت واخلي برنامج مرسول يوصلها للبيت وقت اللي مايتواجد فيه بس ( الصرافه معاه مين بيروح يحول لي ومومخلي فيها ريال ) والله محتاجه ملابس ملابسي من سنه وشوي وتلفت من الغسيل وفوق كذا انحرجت لان ماعمري جيتهم بالجامعه الا بأحسن حال ومحتاجه كتب وملفات وحبر طابعه وحتى اغراض اهتمام خاصه ومع ذلك ماابي اطلب منه وحتى لوقال يلا السوق لاني متأكده بيصرف من حقتي علي وعلى اخواني اقسم بالله انه يصرف منها عليهم ع اتفهه الاشياء لاقالو نبي اكل برا راح ولاقالو نبي شوكلت راح يعني حالنا استغفرالله وانت ماتقتصد وماتفكرون فيني ؟!! معقوله الدين محلل انه ياخذها غصب عن رضاي ؟! وفي شي بالدين يخليني اطاوعه ومااتوظف ؟! خوفي بعد يمنعني من مصرف الاكل اليوم بالجامعه او يحرمني من الجامعه بكبرها