صديقاتي يتتدخلن في خصوصياتي ولا رأي لي بوجودهن

صحابى بيدخلوا فى خصوصياتى اكتر من اللازم كل واحده من صحابى بتدخل فى خصوصيه محدده يعنى عندى واحده ديه وانا راحه اجيب هدوم لازم تيجى معايا وبتجبرنى اشترى الى هى مفضلاه عليا مع انه ممكن ميكنش عاجبنى وعندى واحده تانيه لو رحنا مطعم وجيت اختار اكل معين بتقوم لاغيه طلبى وبتطلب حاجة تانيه وتقولى جربيها ديه اجمل بكتير ورسايلى بتاع الفيس او الواتس بيشوفها من غير اذن وعارفين كل حاجة عنى حتى الرقم السرى للموبايل ورقم والبريد الالكتروني للفيس بوك ولو غيرت اى حاجة خاصه ليا بيزعقوا ويزعلوا منى انا مش صغيره انا كبيره وعندى ١٨ سنه يعنى مش طفله حتى ابسط حاجة مذكراتى خدوها من غير اذنى من مكتبى وقروا كل حاجة مكتوبه وحسوبنى على كل كلمه كتباها فيها مليش حق اختيار اى حاجة وهما موجودين انا عندى اخت اكبر منى هى متجوزة ومسافره دوله اوربيه من فتره هى كانت بتحذرنى من الموضوع بس انا كنت شيفاه عادى وان هما صحابى وبيخاوفوا عليا بس بجد الموضوع ذات عن حده انا شخصيتى مش كده يعنى مبحبش حد يفرض عليا حاجة وعمر ما حد من اهلى اجبرنى على حاجة وللعلم مع ان كل حاجة بيجبروها عليا بو جيت اختار حاجة لواحده من صحابى بيتجاهلوا راى وينفذوا الى هما عايزينوا انا تعبت منهم