كنت لها السند دائماً لكنها للأسف هذا ما فعلته

السلام عليكم اني مشكلتي انو جدا مراعية للناس حوالي وبنفس الوقت جد حساسة وهالشي معروف عند صديقاتي مع ذلك اقرب صديقة الي اعتبرها اختي واكولها كل شي مااكوله لأي أحد واخاف عليهه والشي الما ارضيه لنفسي ما ارضاه الهه كسرت بخاطري واهانتي هالشي صار لما كان اكو شاب واحنا بالجامعة هي تعرف انو احبه واحجيلهه عنه كل يوم وشكد متعلقة بيه وهو مايدري طبعا ويوم من الأيام تكلي هالشاب يحبني الي ما يحبج الج لانو اني احلى منج من حقه طبعا كالتلها بهل نبره وبستهزاء اني ماهمني الشاب بس هالحجي يطلع من صديقتي اختي تستهزئ بيه وبمشاعري وهي تدري، كدامي بوقتها ماحجيت شي وياها وبعدها راسلتني ولا كأنو سوت شي جاوبتهه برود وزعلت عليه فوك كل هذا واني من شفتهه زعلت كلت احسن بعد لأن بعد مااكدر اباوع بوجهه والله مقهوره منها مو علمود الولد بس لأن هي مرت بتجارب وكنت سند الهه بكل شي وتجي تسوي هيج ولا ماتحس على نفسها ولا بخطأها وهسه دزت صديقة مشتركة علمود نتصالح شكول الهه بعد مااطيقها شسوي وياها إذا غلطانة بشي أحد يكولي محتاجة نصيحتكم ولو طولت ،شكرا مقدما.