تعلقي بصديقتي يخنقني

نصيحة مني ..ان لاتتعلقي بها وان تضعي حدود لعلاقتك بها لان النهاية مارح تكون جيدة

السلام عليكم انا عمري 13 سنة يعني لسه صغيرة يعني ما افكر بالحزن والاكتئاب وهاي الاشياء بس والله من وانا وصغيرة بتعلق بالاكبر مني اكتر من الاصغر مني واللي بعمري وهاي بحد زاتها مشكلة ......... اولا انا من وانا بالروضة تعرفت على صديقة اكبر مني بسنة صراحة كنت احبها كتيييير كتييير وهي كانت تحبني كتيييير بصراحة كنت اغار ازا تحكي مع حدا غيري وهي ضلت معي من الروضة الى الصف السادس وبعدين انا انتقلت لمدرسة جديدة وبعدت عنها بس كان عادي بالنسبة لي لاني كنت ازورها دائما بس بالصف السابع وبمدرستي الجديدة كنت متعرفة ع بنت بعمري وانا بالروضة كنا صحبات واهلها كانو يعرفوا اهلي افترقنا صف ثاني وثالث ورابع وخامس طبعا طبعا كان عندي صحبات بعين بالصف السادس لمن انتقلت ع مدرسة جديدة لقيت هالبنت اللي تعرفت عليها بالروضة وهي اسمها ياسمين ضلنا صحبات ومش بس صحبات كنا اخوات وصراحة كانو البنات بالمدرسة ينادونا بالتوام واحيانا ما كانو يميزوا بينا بالاصح كنا خوات ضلينا سادس مع بعض واتخرجنا من هالمدرسة ورحنا ع مدرسة جدية وكنا مع بعض بسابع طبعا اكتشفنا انو قرايبنا هما نفسهم اقرايبها فكانوا بهالمدرسة هي كنت احبهم كتيير طبعا كانوا هالبنات باول ثانوي يعني كبار طبعا كنا نحبهم وبيحبونا طبعا باخر السنة حسيت انو علاقتي انا وياسمين مو زي اول فكنت احكيلها وكانت تحكيلي عادي شو فيها يعني ما كانت مقدرة حبي لالها طبعا مرة تحدثنا مع بعض ع التليفون وصارت مشكلة لسبب تافه كتير فقطعت علاقتي فيها طبعا زعلت بس صدقت كلام امي لانها حكتلي انو علاقاتي انا وياسمين ما رح تكمل لانها مو مقدرة حبي الى وانا كان بس أي حدا مجرد يحكي عنها كلمة كنت اصرخ عليه طبعا بعد ما خلص وقف تفكيري بياسمين شاركت بمركز تحفيظ قران وتعرفت ع بنات قمامير كتير حكولي عن مدرستهم وحبيتها عرضت ع ماما الفكرة ووافقت اني انتقل لهاي المدرسة وبصراحة البنات اللي تعرفت عليهم وحدة اكبر مني بسنتين وحدة بنفس عمري صراحة وكما قلت حبيت الاكبر مني كتييييير لانها كانت فاهميتني ووكانت زي شخصيتي اما اللي بعمري كانت عكس شخصيتي فما انو كتير حبيتا بس عادي مشي الوضع كانت اللي اكبر مني تحكيلي وتشكيلي هموما ما كانت تهتم لصغر سني وكانت تحكيلي انو في اشياء تحكيلي اياها صحباتها اللي بعمرها ما بعرفوا واانا تعلقت فيها كتيييير وكنت اكره الدقيقة اللي تمر علي بدونها وصراحة كنت اروح ع صفها دوما بس كانت البنت اللي بعمري تغار ازا حكيت مع اختها اللي اكبر منا وكانت تروح تحكي لاما وصحباتها وكانو صحباتها يحكولي اني ما احكي مع اللي اكبر مني وكنت ازعل كتيييير وفي يوم منالايام هالبنت اللي بعمري راحت تحكي لامها وكانت امها تحكي للبنت الكبيرة انو تقطع علاقتها فيي طبعا البنت كانت تعرف ازا حكتلي حهالحكي رح ازعل كتييير بس خلص اطرت انو تحكيلي طبعا كزبت علي عشان ما تجرحني وحكت انو صحباتها بيغاروا من حكينا مع بعض فانا زعلت كتيير ودمرت كتييير وهيا بعد ما حكتلي هالكلام راحت زعلت وعيطت بس حكتلي انو يصير بيني وبينا سلام سلام وزعلت من هالحكي بس اسمعت كلامها وبطلت اروح ع صفها وما حكيت معها بس كنت جد زعلانة كنت اضلي افكر فيها كتييير وصراحة هي بتحكي معي بس مو زي اول لو سمحتو سؤالي هوا شواعمل بالقصة هي ؟؟ وكمان كيف ما اعلق حالي بحدا تاني ؟؟ شكرا