مشاكلي مع اصدقائي على اتفه الاسباب

انا بنت فى اولى ثانوى كان عندى اصحاب فى الاعدادى ودخلو معايا الثانوى بس حسيت انهم مينفعوش يكونو اصحاب لان مشاكلى معاهم كتير على اتفه الاسباب بيزعلو عشان كدا بعدت عنهم واحدة فيهم بقت تلقح عليا بالكلام وانا كنت ببكى بسببها لدرجة انى سبت درس العربى عشان ابعد عنها وغيرت مجموعات الدروس الباقية لانى مكنتش بستحمل اشوفها او اسمع كلامها وهى مش معايا فى الفصل وانا بعدهم مبقيتش مصاحبة حد والبنت اللى كانت بتقعد جنبى فى الفصل هتبقى ادبى السنة الجاية والبنات اللى معايا كل واحدة معاها صاحبتها وانا مش حابة اقعد جنب حد يعرف البنت اللى بتضايقنى دى وخايفة انها تكون معايا فى الفصل السنة الجاية .... مش عارفة اقعد جنب مين فى الفصل ومش عارفة استحملها ازاى فى الفصل مع العلم انه مفيش تحويل من الفصول وانا كمان مش عايزة افضل اهرب منها كدا دايما ....ببكى كتير بسببها هى نظرتها لوحدها ليا كافية انها تعكنن عليا وتقفلى اليوم كله مش عارفة اعمل ايه ساعدووووووووووووووونى