بقينا اصدقاء حتى حدث سوء تفاهم وبعدها...

السلام عليكم .. انا بنت بسيطة و طالبة جامعية بدرس جرافيك ديزاين بالاردن و بحب دراستي و جامعتي و أصحابي ،، بس من فترة قبيل السنة و نص اول ما دخلت جامعة تعرفت ع شب كثير محترم و طيب و لطيف بتعامله مع الجميع ،، كنا كثير مقربين من بعض اول ما تعرفنا و ضلت صحبتنا حلوة لحد ما صار سوء تفاهم و صرت الاحظ على تصرفاته الانفعال الزايد و التدقيق المبالغ فيه على تصرفاتي و عفويتي مع شلتنا و انه بينزعج من اي مزحة بمزحها معه و اوقات بعتبرها اهانة اله مع انه الكل شايف اني طبيعية كثير و ما بتصنع و لا حتى بثقل بالمزح ،، بس هو ابصر ماله و مش راضي يخفف انفعال .. حاولت اكثر من مرة انو اواجهو و نشوف الحل للموضوع و اعرف شو مشكلتو معي بس هو بضل يتهرب و يتحجج انو مشغول و عنده التزامات ثانية .. و مرت الايام و احنا الاثنين بنتجاهل بعض بس كل ما تيجي عيني بعينو بحس بمشاعر غريبة كثير و بتلخبط .. و الموضوع بلش يضايقني و بدي حل اله !! يعني لمتى التجاهل هاد ؟ ممكن تنصحوني شو اعمل ؟