أتمنى أن يكون لي صديقات أعيش معهم كل وقتي

السلام عليكم بحكيكم عن مشكلة اعاني منها من و انا صغيرة اللين اللحين صار عمري ٢٠ سنه !!انا بنت درست لحد ما انهيت الابتدائيه .. و عقبها وقفت الدراسة بسبب المشكلة دي اللي ما لقيت لها حل ..انا ايام الدراسة كان عندي صديقات ممكن لاني كنت اصرف مصروفي دايما عليهم طبعا كله كان بسبب سداجتي!! لكن بعد ما وقفت المصروف لاني بديت اضايق وقتها كلهم راحو ورا بعض كانو يمشون معي عشان فلوسي ... هي وحدة بقيت معي للان و اول ما نقلنا تعرفت ع بنت جيرانا و صرنا صديقات و الثالثة عمرها ٢٩ سنه من صديقات اختي طبعا صح هم يحبوني بس انا نفسي يكون عندي صديقات كثير مثلهم يحبوني و احبهم نسولف مع بعض و نضحك نفضفض لبعض ناخد رأي بعض يفقدوني اذا غبت و افقدهم يدعون لي بصلاتهم و ادعيلهم نتجمع زي باقي البنات اصحى من النوم القاهم متصلين علي نتهاوش نمزح و نضحك و نبكي سوا نشيل هموم بعض و نفرح لبعض نتجمع بقروب زي باقي البنات و الخ .. نفسي الله يرزقني بصديقات زي كذا بس مدري كيف ..؟!انا ما اطلع اولا ما اعرف ناس كثير بجدة و لا اقدر اطلع مع اخواتي لحالنا نتمشى اخوي متشدد شوي و لا نعرف اقاربنا كثير و اللي نعرفهم بعاد فعشان كذا من المستحيل انو يكون عندي صديقات و راح يبقى هذا حلم .اايش تنصحوني؟!!