كيف أقنع صديقتي بالابتعاد عن هذا الشاب؟

السلام عليكم .. انا عمري ١٥ سنة ، اعز صاحباتي واقرب وحدة الي متعرفة عشب الها شي سنة تقريبا ، هي من النوع كتيير حساس وبنضحك عليها بكلمتين كمان ..بدت القصة عاشي كتير صغير وهو استغل الموقف وصار يحبوا بعض ، انا بحكي الموضوع واشعر انه كبير على سني حتى بشعر بتفاهته ، لكن هو حصل وهي اعز صاحبة عندي ، دائما بنصحها وعمري ما وافقت عغلطها وهو حرام قبل ما يكون غلط ، المشكلة انه امها واخوها بعرفوا وبشجعوها تتواصل معه مع الاسف ..اكتر من مرة يتخانقوا ويتركوا وبتبطل بدها ياه بس هي كتير متعلقة فيه وبكلمتين بضحك عليها .. مو عارفة شو اعمل اكتر من هيك ،الشب مو منيح ولا من اي صفاته تبشر بخير وبضحك عليها وبحكيلها بس تخلص توجيهي بتزوجها وهي مصدقة .. انا مو عارفة كيف اساعدها ؟ اقسى عليها ؟ ولا اسايرها ؟ بس انا عارفة انه حرام ! وخايفة اقسى عليها تصير تخبي عني وتشكي لغيري ، وما بعرف ممكن وجوده بغنيها عنا صاحباتها فبخاف بكلمتين يخليها تبعد عنا ! انا ما بقدر اطنش الموضوع .. وكتير محتارة ! اسفة عالاطالة وارجو المساعدة ..