أخي يريدني أن أصالح صديقتي لتعود علاقتهم

السلام عليكم ورحمة الله وبركاته سالفتي طويله شوي بس عجزت القى حل انا قصتي قصه مع صديقتي ف البدايه كنا ف اول ثانوي مدري وش صار بالضبط المهم اني عطيتها حساب اخوي ع أساس نأخذها طقطقه لكن هي الله يصلحها خذتها جد وصارت تتكلم وتسولف مع اخوي المهم مرت ع ذا السالفه سنتين تقريبا واكتشفت عن طريق الصدفه انها باقي اخوي وهي يكلمون بعض ف كنت اقول لها انتي تكلمينه هي كانت دايم تنكر ، انا تنرفزت منها لانا كانت تكذب علي ورحت نصحتها ومن هالكلام نصحتها تقريبا ٣ مرات والمره الاخيرة قالت انها خلاص حذفته ، طبعا حنا ناوين نزوجها لاخوي ، بس ايش المشاكل اللي طاحت ع راسي ، طبعا العايله كلها درت ان صديقتي يبونها لاخوي ، طبعا بنت خالتي وبنت عمتي كانو معي ف المدرسه وقالو لأهلهم وش كانت تسوي اول ع ايام المدرسه ، وهي تابت يعني بس باقي حاطينها وحده مو مضبوطه وصار الكلام يطيح ع راسي وقالو انتي تزيين للبنت الحرام ومن هالكلام وانا عشان اوقف الحكي لان الحكي مره يجرح قلت لصديقتي انا ما شفت خير من صداقتس إقطعي العلاقه معي ، المهم هي كانت اول تنقذ علي ليش اسمع كلامهم المفروض اطنش ، وكنت انا متنرفزه هي تقول لي طنشي واخوي يقول لي طنشي بس الكلام مره يجرح ، ومره تنرفزت ان اللي قاعده امر فيه بسبه عباطتهم يعني شيء حرام خلاص اتركوه وتهاوشت مع صديقتي بهذا الخصوص كذا مره ، ف عشان اقطع علاقتي معها نهائيا وافتك من كلام الناس ، وللاسف اني ف لحضه غضب عطتيها من الثقيل ، جلدتها بالحكي ومن بعد ذا الحكي معد كلمنا بعض ، بس الحين صاير اخوي يقول انتي ما تبين لي الخير ، الواحد اذا تزوج يباركون له موب يوقفون ضده ومن ذا الكلام انا قلت له بكيفك تزوجها مراح أتدخل فيك بس اني مابي هذي الانسانه ، تعبت من المشاكل اللي تصير بسبتكم ، الزبده الحين هو زعلان علي ويبي أراضي البنت ، هو حلف لي بعد انه حاذفها من زمان ، اللي ابيه انا شلون برجعها او شلون بعتذر منها ، او قولو لي حل .واسفه ع الإطاله .