طموحه بالحياة أن يكون صديقي لكن ما فعلته به مخجل

مرحبا انا عندي مشكله اجتماعيه بتخص صديق لالي بالجامعه ونصحوني بموقعكم وبتمنى الاقي عندكم جد الحل الملائم المتفهم ويلي بقدر اطبقه عمليا لاخلص،من هاي المشكله بالبدايه انا شب عمري 22سنه طالب جامعي بدرس حقوق من فترة سنتين تقريبا تعرفت بالصدفه على شاب غير مسلم ومن جنسيه عربيه وبعد اكمن شهر. ظل يلحقني مثل خيالي انا ما اكترثت للموضوع وحكيت لحالي يمكن يشبهني لواحد من اخوانه السته او لاني تعاطفت مع قصته انه بكره خوانه لانهم ما بهتموا فيه وابوه ما بيسأل عنه وكل همه المصاري وسفرياته وامه متوفيه..،، لكن حتى صحابي بلشوا يتضايقه منه ومن فرض حاله علي. وانا عصبت منه وبهدلته وسويتله شغلات ناقصه انا وصحابي ما بقدر اكتبها بس لاني كرهان مراقبته الي وخليته مسخرة قسمي بس بالرغم من هيك ظل يجي على اماكن محاضراتي ويطلع علينا من بعيد ويتبسم... ما اخذت بالموضوع وبعدين اختفى مدة فصل كامل وسالت صحابه بالسكن حكولي انه مسافر،،،،، ولما بلش الفصل الثاني لدراستنا رجع هالشاب يلي مقلوب 360درجه وحكالي انه صار مثلي مسلم وفرجاني هويته وهو مبسط والله هالمنظر كل ما اتذكره ببكي وبلوم حالي وبسببي اسلم لانه عجبته حياتنا البسيطه ومحبت اهلي واخواني إله وسؤالي اهلي عنه واستفقاد امي وابوي اله يوم الجمعه وزيارات متبادله والحفله يلي عملوها اله لانه اسلم، وانه هو اختفى وراح على السعوديه يمارس طقوس الإسلام ويدور على حدا يجاوب اسألته انا من هالفتره للان تعودت عليه ومو عارف كيف راح ابطل اتعود عليه لانه قريب يتخرج يمكن لاني شاعر بالذنب إتجاهه صرت احبه مثل اخواني ومن ذاك الوقت وانا خجلان منه. وخجلان اطلب منه يسامحني ومستحيل احكيله شو سويت فيه وكيف كنت اقكر عنه لانه انا لو مكانه ما بسامح علي عملته معه وخاصه انه ما يعرف انه انا وصحابي ورى يلي صار معه مو قليل والله.،واتحاشى يشوفني يعني انا بإيش افكر وشو سويت فيه وهو كيف قابل عملتي