كيف تتعامل مع خيانة الصديق؟

كيف تتعامل مع خيانة الصديق؟بدون اسم لو سمحت حابة احكيلكم عن وجعي اول شي عمري 18 سنة توجيهي وجعي مصدرو رفيقة روحي الي تركتني و لفت ضهرها الي لساتني محتفظة بورق خربشت عليه زمان كتير بتوجع لما اسوفها بالمدرسة مع بنات تانين و مو ناقصها شي بدوني نفسي ابكي بحضنها و احكيلها اديش بتوجعني خيانة الصحاب والله بتوجع

هي قصتي بدت حكايتي مع صاحبيتي بصف تامن بالزبط و لحد هلأ بالتوجيهي اول ما شفتها كتير حبيتها من كل قلبي قضينا التامن كلو بحب و سعادة و كتير كتير كنت احبها المهم بالتاسع هي تغيرت شوي و لفت مع بنات تانين اغنوها عني يمكن و مرة عملت موقف زعلني كنت كتير مقهورة منها و زعلت منها هي حتى ما كلفت حالها تسأل مالك مع انو حكتلها زعلانة و ما توقعت منك و غلطت ع صاحباتها الي كانو معها لانو كلهم دايقوني هي كانت ردة فعلها بس انو لا تحكي هيك مع صاحباتي و مرت الايام رحت سلمت عليها و عبطتها و حكتلها تعي نحكي شوي كنت بدي اتناقش معها بتعرفو شو كانت ردة فعلها حكتلي يا الله الهبل لا ما بقدر صاحبيتي بتستناني فوق طبعا انا كانت اكبر تنكسية بحياتي بس بحبها شو اعمل بعديها بفترة بعتلها ع الفيس انو انا حاولت اوصلك و انت ما بدك ف خلص الله يوفقك و صار بينا بلوكات

قبل سنةبالاول ثانوي يعني سرنا نحكي مع بعض يعني سلام عادي بس ما بعرف رجعت احبها كتير كتير مع انو انا متأكدة و مبين من تصرفاتها و تعاملها انو خلص يعني متلي متل اي حدا بس انا بالعكس كتير لسا بحبها بس مافيني احكي معها غير رسمي لانو تعودنا من 4 سنين انو خلص هيك نكون من جواتي بحبها كتير بس ما ببينلها ابدا اوقات بكون استنى بساحة المدرسة بكون عندي مركز بشوفها منقعد شوي ازا كنا لحالنا هي لحالها بتحكيلي يا الله انا ما بشوفك كتير اوقات بحسها بتحبني بس كتير تصرفاتها باردة كتير يمكن تستسخفو الموضوع بس انا جد بحبها كتير و خلص السنة الجاي بدنا نروح ع الجامعاات و هاتي الي يشوف التاني صعب تكون تحب حدا من قلبك و هالحدا ما يبادلك او مو شايفك اصلا اشتقتلها مع انو كل يوم بشوفها بس سلام مش اكتر لانو خلص هي عملت صاحبات و شلة جديدة و انا كمان عندي صاحبات جداد بس من جوات قلبي مافي غيرها صاحبيتي خايفة تخلص السنة و ما اعود اشوفها لانو فعليا الي بربطنا هو المدرسة بس