صديقاتي غيورات وينظرن لي بعين حاقدة

كنا مجموعه صحاب كبيرة كلنا كنا بنحب بعض وكنا سند لبعض كلنا صحاب من رابعه ابتدائى وفضلنا صحاب لغاية ٣ ثانوى احنا لسه صحاب بس اتفرقنا بسبب الجامعات وكده انا ربنا كرمنى وجبت مجموع عالى جدا ودخلنى الكليه الى كنت بحلم فيها وللاسف معظم صحابى معرفوش يدخلوا الكليات الى كانوا نفسهم فيها بسبب تقديراتهم الا بنت واحده ودخلت كليه فنون جميله الى كانت بتتمناها انا جامعتى كانت فى القاهرة وانا عايشه فى قريه والمسافه بنا كبيرة جدا وفضلت اقنع فى اهلى ان اعيش فى اى بيت لينا من الى فى القاهره وطبعا كان فيه رفض بسبب انك بنت ونخاف عليكى مع ان بيتنا فى كمبوند وفى منطقه راقيه جدا وفيه امن بس كان فيه رفض لما كلمت صحابى وانا مخنوقه وبعيط كلهم احبطونى وفضلوا يقولوا ملهاش لازمه واهلك مش هيوافقوا وكلام وحش جدا قفلت معاهم وانا مدمرة اكتر تانى يوم جتلى البنت الى دخلت فنون جمبله وفضلت معايا طول اليوم وتصبرنى وتقولى اكيد رافضين عشان خايفين عليكى وكلام صبرنى وفضلت كام يوم تجيلى لغاية ما اهلى وافقوا بس بابا كان عمل اتصلات كتير وكلم مستشار زميله وهما اصحاب من زمان ويبقى جارنا فى بيتنا الى فى الكمبوند وبابا لما وصلنى البيت المستشار داه طمنوا وقال دى بنتى وفعلا ربنا يخليه حافظ عليا وكنت حاسه ان هو ومراته واولادة اهل ليا وكان بيحدد مواعيد لخروجى وبيبعت معايا ابنه الكبير المختصر كان اب ليا وحصل اعجاب بينى وبين ابنه وانشاء الله فى خطوبه فى اجازة اخر السنه انا حالبا طالبةفى تالته جامعه هنيجى بقى فى الموضوع المشكله فى صحابى كنت لما انزل اجازة ويبقوا وحشنى واكلمهم عشان نتقابل كنت بحس انهم متغيربن معايا ماعدا واحده بس الى كانت فى فنون هى اسمها اسماء وكنت لما اختلف معاهم فى الكلام يقولولى ما انتى خلاص عشتى فى القاهرة وبقيتى زيهم بقوا يحسسونى انى عاهر وبنت مش محترمه ولما جات خطوبه واحده منهم ونزلتلها مخصوص ورقصت فى الخطوبه وكلنا رقصنا فضلوا يتكلموا عليا مع ان انا والله مبعرفش ارقص اصلا يعنى كنت بهبل زى صحابى وبردة اتكلموا عليا وانا لما ابن صاحب بابا جيه وصلنى وبقى يقعد مع بابا وواحده من صحابى شافوه صدفه اتكلموا عليا وانا جيت اوضحلهم ان داه الشخص الى عرفتهم ان هتخطب ليه قريب للعلم اهله واهلى اتكلموا وحددوا ميعاد لخطوبتنا يعنى كل حاجة رسمى ومع ذلك صحابى مش رحمنى لما قلتلهم وقالوا ابقى اشقطلنا واحد لينا احنا كمان انا مش عارفه احل الغيرة دى ازاى انا من فتره كنت خصمتهم وقررت اقطع علاقتى بيهم وفعلا كنت بطلت اتصل عليهم ولما نزلت اجازة جم الببت ليا واعتذروا لو كانوا زعلونى وفعلا اتعدلوا فترة ورجعوا زى زمان بس فترة صغيره جدا ورجعوا تانى وحشين هما بيحبونى وانا متاكده بس للاسف من بعد الثانوى وفيه غيره منهم ليا اكيد ماعدا اسماء هى الوحيدة الى بتتصل عليا كل يوم تطمن عليا دى الوحيدة الى لما تعبت وعلقت محاليل فى بيتنا الى فى القاهرة سافرت من القريه وزراتنى دى الوحيدة الى فرحت ليا لما حكتلها ان هتخطب للشخص دان دى الوحيدة الى اول ما حبيته حكيت ليها بقيتنا قريبين جدا